ഒരു യുവാവിന്റെ കഥ


എന്റെ നേതൃത്വകാലയളവിൽ ഒട്ടനവധി യുവസംരഭകരുടെ പ്രസംസനീയമായ വളർച്ചക്ക് നിമിത്തം ആകാൻ സ്റ്റാർട്ടപ്പ് വില്ലേജിന് സാധിച്ചു എന്നത് എനിക്ക് വളരെ അധികം സന്തോഷവും ആത്മ സംതൃപ്തിയും തരുന്ന ഒരു കാര്യമാണ്. അതിൽ എടുത്തുപറയാവുന്ന മിടുമിടുക്കനായ ഒരു സംരഭകന്റെ കഥ ആവട്ടെ ഇന്നത്തെ പംക്തി.

ആദ്യ കൂടിക്കാഴ്ച

പിറവത്തിനടുത്തുള്ള ആരക്കുന്നത്തെ ഒരു ഹോസ്റ്റൽ മുറിയിൽ തന്റെ സുഹൃത്തിനോടൊപ്പമാണ് വയനാട് സ്വദേശി ആയ ജിബിന്റെ startup ന്റെ തുടക്കം. ഒരു കോൺഫറൻസിനായി ബാങ്കോക്കിലേക്കുള്ള യാത്രയിലാണ് ഞാൻ ആദ്യമായി ജിബിനെ പരിചയപ്പെടുന്നത്. സ്റ്റാർട്ടപ്പ് വില്ലേജ് സ്ഥാപിതമായിട്ട് ഏതാനും മാസങ്ങൾ മാത്രമേ ആയിരുന്നുള്ളു. കോൺഫറൻസിനോട് അനുബന്ധിച്ച് നടക്കുന്ന hackathon മത്സരത്തിൽ ഇന്ത്യയെ പ്രതിനീധികരിച്ചുള്ള ടീമിലെ ഒരംഗമായിരുന്നു ജിബിൻ. സ്റ്റാർട്ടപ്പ് വില്ലേജ് സി.ഇ.ഒ എന്ന നിലയിൽ ആ ടീമിനെ അനുഗമിചിരുന്നത് ഞാനും. അന്ന് TOCH എഞ്ചിനീയറിംഗ് കോളേജ് രണ്ടാം വർഷ വിദ്യാർഥി ആയിരുന്ന ജിബിൻ ഇന്ന് 25 കോടിയോളം വിലമതിക്കുന്ന Flip Motion എന്ന സ്റ്റാർട്ടപ്പിന്റെ സ്ഥാപകനും സി.ഇ.ഒ യും ആണ്.

ജിബിൻ ആദ്യം സ്റ്റാർട്ടപ്പ് വില്ലേജിലേക്ക് എത്തുന്പോൾ hackathon എന്താണെന്നോ, startup എന്താണെന്നോ യാതൊരുവിധ ധാരണയും ഇല്ലായിരുന്നു എന്ന് മാത്രമല്ല താൻ ഒരു നല്ല coder ആണെന്ന വിശ്വാസവും ഇല്ലായിരുന്നു. മറ്റേതൊരു വിദ്യാർത്ഥിയേയും പോലെ പഠിത്തം കഴിഞ്ഞാൽ നല്ല ജോലി കിട്ടുമോ എന്ന പേടിയും ഉണ്ടായിരുന്നു. 2012 അദ്ധ്യയന വർഷത്തിലെ ആദ്യ ഏതാനും മാസങ്ങൾക്കകം ഈ സ്ഥിതിഗതികൾ എല്ലാം മാറിമറിഞ്ഞു.

എല്ലാത്തിനും തുടക്കമായ ഒരു ബസ്‌ യാത്ര

കഥ തുടങ്ങുന്നത് ജിബിന്റെ ഒരു ബസ്‌ യാത്രയിൽ നിന്നാണ്. ബാഗ്ലൂരിൽ നടക്കുന്ന ഹാക്കത്തോൺ മത്സരങ്ങളിൽ പങ്കെടുക്കുന്നതിന് നമ്മുടെ വിദ്യാർത്ഥികൾക്ക് അവസരം ഒരുക്കുന്നതിനായി സ്റ്റാർട്ട്‌ അപ്പ്‌ വില്ലേജ് ആസൂത്രണം ചെയ്ത പദ്ധതിയുടെ ഭാഗമായിരുന്നു ഈ ബസ്‌ യാത്ര. ഹാക്കത്തോണിനെപ്പറ്റി കേട്ടിട്ടുപോലുമില്ലാത്ത ജിബിൻ സുഹൃത്തുക്കളുമായി സൌജന്യമായിട്ടൊരു ബാംഗ്ലൂർ യാത്ര എന്ന ആവേശത്തിൻറെ പുറത്ത്‌ ചാടി പുറപ്പെട്ടു. ഭാഗ്യമെന്നു പറയട്ടെ ജിബിന്റെ ടീം അതിൽ വിജയികളാവുകയും ചെയ്തു. ഈ വിജയത്തിന്റെ തുടർച്ചയായിട്ടായിരുന്നു നേരത്തേ പറഞ്ഞ ബാങ്കോക്ക് യാത്ര. അങ്ങനെ ആണ് ജിബിൻ ആദ്യമായിട്ട് ഒരു അന്താരാഷ്ട്ര മത്സരത്തിലും കോൺഫറൻസിലും പങ്കെടുക്കുന്നതും. ഒരു ശരാശരി മലയാളിയിയുടെ സ്വപ്നം കൂടി ആയ പുറം രാജ്യത്തിലേക്കുള്ള യാത്രയും പഞ്ചനക്ഷത്ര ഹോട്ടൽ താമസവും അതുവഴി സാക്ഷാത്കരിക്കപ്പെടുകയും ചെയ്തു.

ബാംഗ്ലൂരിൽ കാഴ്ച വച്ച തകർപ്പൻ പ്രകടനം ഫൈനലിൽ ആവർത്തിക്കാനായില്ല. ഫലം വന്നപ്പോൾ സ്ഥാനം ഒടുവിൽ നിന്നും രണ്ടാമത്. എട്ടുനിലയിൽ പൊട്ടി എന്ന് ചുരുക്കം. എങ്കിലും ഇതിൽ നിന്നെല്ലാം നേടിയ പ്രവൃത്തിപരിചയവും അനുഭവസന്പതും വലിയ മുതൽകൂട്ടയി. മികച്ച പരിശ്രമത്തിലൂടെ ലോകത്തിലെ ആരോടുംതന്നെ മാറ്റുരച്ചു ജയിക്കാനുള്ള കഴിവും സാമർത്യവും ഉണ്ടെന്നുള്ള വിശ്വാസവും ഉടലെടുത്തു. അങ്ങനെ എല്ലാം കൊണ്ടും ആ ബാംഗ്ലൂർ യാത്ര ജിബിന്റെ ജീവിതത്തിന്റെ ദിശ തന്നെ മാറ്റിമറിക്കുന്ന ഒന്നായി മാറി.

Rideblock എന്ന ആശയത്തിന്റെ ജനനം

തിരിച്ചെത്തിയ ജിബിൻ പുതുതായി ആർജിച്ച ആത്മവിശ്വാസത്തിന്റെ ബലത്തിൽ സ്വന്തമായി ഒരു സംരംഭം തുടങ്ങാൻ തിരുമാനിക്കുകയായിരുന്നു. ആദ്യത്തെ ആശയം ചെറുകിട വ്യവസായ സ്ഥാപനങ്ങളെ ലക്ഷ്യമിട്ടുള്ള Dot Retail എന്ന ഒരു മൊബൈൽ app. ഈ ആശയത്തെ ആസ്പദമാക്കി സമർപ്പിച്ച അപേക്ഷ SVSquare പദ്ധതിയിൽ തിരഞ്ഞെടുക്കപ്പെട്ടുകയും, അതുവഴി 5 വിദ്യാർഥിസംരംഭകരിൽ ഒരാളായി അമേരിക്കയിലെ Silicon Valley സന്ദർശിക്കാൻ ജിബിന് അവസരം ലഭിക്കുകയും ചെയ്തു. സംസ്ഥാന സർക്കാരിന്റെ സഹകരത്തോടെ Startup Village ആസൂത്രണം ചെയ്ത മറ്റൊരു പ്രധാന പദ്ധതി ആയിരുന്നു SVSquare. SVSquare പഠനപര്യടനത്തിനു നേതൃത്വം നല്കിയതും അന്ന് സി.ഇ.ഒ ആയിരുന്ന ഞാൻ തന്നെ ആയിരുന്നു.

ഹാർഡ്‌വെയർ അധിഷ്ഠിത startup-കളെപ്പറ്റിയും IOT സാങ്കേതിക മേഘലയിൽ ഇന്ന് ലോകത്തിൽ കണ്ടു വരുന്ന വികാസങ്ങളെപ്പറ്റിയും അതിന്റെ സധ്യതകളെപ്പറ്റിയും ജിബിന് കൂടുതൽ അറിവ് ലഭിക്കുന്നത് Silicon Valley പര്യടനത്തിലൂടെയാണ്. തന്റെ ആദ്യത്തെ ആശയം മാറ്റി ചിന്തിക്കാനും അത് ജിബിനെ പ്രേരിപ്പിച്ചു. കുട്ടിക്കാലം മുതൽക്കേ skateboarding-നോടുള്ള ജിബിന്റെ താത്പര്യവും കൂടി ആയപ്പോൾ എത്തിച്ചേർന്നത് RideBlock എന്ന ആശയത്തിൽ. Skateboarding ചെയ്‌യുന്ന ആളുകളുടെ ചലനങ്ങൾ അളക്കുവാൻ സാധിക്കുന്ന ഹാർഡ്‌വെയർ അധിഷ്ഠിത ആശയമായിരുന്നു RideBlock.

ആദ്യ ചുവടുകളും നിർണ്ണായക വഴിത്തിരിവുകളും

തന്റെ പുതിയ ആശയത്തെപ്പറ്റി അഭിപ്രായം ആരായാൻ ജിബിൻ എന്നെ സമീപിക്കുന്നത് Arduino ഉപയോഗിച്ച് ഉണ്ടാക്കിയ പ്രവർത്തനക്ഷമമായ ഒരു മാതൃകയും (Prototype) ആയിട്ടാണ്. ജിബിൻ തന്റെ skateboard -ൽ ഒരു അഭ്യാസം കാണിച്ചപ്പോൾ അതൊരു kickflip ആണെന്നുള്ളത്‌ അവന്റെ smartphone -ലെ മൊബൈൽ app കൃത്യമായി തിരിച്ചറിഞ്ഞു. ഒരു ഹാർഡ്‌വെയർ അധിഷ്ഠിത ആശയമയതുകൊണ്ടും അതിന്റെ ഉപഭോക്താക്കൾ (skateboarders) ഏറ്റവും അധികം ഉള്ള വിപണി അമേരിക്ക ആയതുകൊണ്ടും, അമേരിക്കയിൽ ഉള്ള ഏതെങ്കിലും ഹാർഡ്‌വെയർ acceletrator-കളിൽ അപേക്ഷിക്കുന്നതാണ് ഏറ്റവും ഉചിതം എന്നായിരുന്നു ഞങ്ങളുടെ നിഗമനം. പണം ഇല്ലത്തതിനാൽ ചെറിയ തോതിലെങ്ങിലും ഒരു നിക്ഷേപം തരപ്പെടുതേണ്ടതും അനിവാര്യമായിരുന്നു.

ജിബിന്റെ ആദ്യത്തെ വഴിത്തിരിവ് Zone Startups സംഘടിപ്പിച്ച Next Big Idea contest-ന്റെ വിജയി ആകുന്നതു വഴി ആയിരുന്നു. മുംബൈയിൽ നടന്ന ഒരു ഹാർഡ്‌വെയർ hackathon-ൽ പങ്കെടുക്കുന്പോൾ ആണ് ഈ അവസരത്തെപ്പറ്റി അറിയുന്നതും അപേക്ഷിക്കുന്നതും.

ഈ അംഗീകാരത്തിന്റെ മികവിൽ 2 ലക്ഷം രൂപ റിതേഷ് മല്ലിക്ക് എന്ന Angel Investor ൽ നിന്നും ആദ്യ നിക്ഷേപം ആയി തരപ്പെടുത്തുകയും ചെയ്തു. നിക്ഷേപം ലഭിച്ചതിനു ശേഷമാണ് തന്റെ startup-നെ ഒരു പ്രൈവറ്റ് ലിമിറ്റഡ് company ആയി പോലും ജിബിൻ രജിസ്റ്റർ ചെയ്യുന്നത്. ഇതെല്ലാം വഴി Canada യിലെ മികച്ച incubator-ൽ പരിശീലനം നേടാനും അവിടെ നിന്ന് California സന്ദർശിച്ച് ലോകത്തിലെ ഏറ്റവും മികച്ച ഹാർഡ്‌വെയർ accelerator ആയ Highway1-മായി കൂടിക്കാഴ്ച നടത്താനും സാധിച്ചു.

അടുത്ത ലക്‌ഷ്യം accelerator പ്രോഗ്രാം. Highway1-ൽ തന്നെ അപേക്ഷിച്ച് ജിബിൻ തുടങ്ങി. നിർഭാഗ്യവശാൽ തിരഞ്ഞെടുക്കപ്പെട്ടില്ല. നിരാശനാകാതെയും തികഞ്ഞ പക്വതയോടെയും Highway1 ഭാരവാഹികളുമായി Skype മുഖേന കൂടിക്കാഴ്ച നടത്തി തന്റെ അപേക്ഷ മെച്ചപ്പെടുത്തുന്നതിനുള്ള നിർദേശങ്ങൾ ആരാഞ്ഞു. ആ നിർദേശങ്ങൾ പ്രകാരം മെച്ചപ്പെടുത്തിയ അപേക്ഷ അടുത്ത accelerator ന് സമർപ്പിച്ചു. ഓരോ തവണയും നിഷേധക്കുറിപ്പുകൾ ലഭിച്ചപ്പോഴും ഇതേ പ്രക്രിയ ആവർത്തിച്ചു. ഒടുവിൽ, നിക്ഷേപത്തുകയിൽ ഏതാനും ആയിരങ്ങൾ മാത്രം അവശേഷിക്കെ ഇരുപത്തി ഒൻപതാമത്തെ അപേക്ഷയിൽ ആണ് പരിശ്രമം ഫലം കണ്ടത്. അങ്ങനെ അബുദാബി ആസ്ഥാനമായി പ്രവർത്തിക്കുന്ന Flat6Lab accelerator ൽ പ്രവേശനവും ലഭിച്ചു.

Flat6Labs പ്രോഗ്രാം പൂർത്തിയായതോടെ അമേരിക്കയിലെ Las Angeles ആസ്ഥാനമായി പ്രവർത്തിക്കുന്ന, 6 മാസം ദൈർഘ്യമുള്ള ഹാർഡ്‌വെയർ നിർമാണം അധിഷ്ഠിതമായുള്ള MakeinLA പ്രോഗ്രാമിൽ പങ്കെടുക്കാൻ ക്ഷണം ലഭിക്കുകയും ചെയ്തു. Skateboarder മാരുടെ അമേരിക്കയിലെ ഒരു കേന്ദ്രം കൂടെ ആണ് Las Angeles. ഏതാണ്ട് ഇതേ സമയത്ത് തന്നെ ഇന്ത്യയിലെ തന്നെ ഏറ്റവും പ്രശസ്ത അംഗീകാരങ്ങളിൽ ഒന്നായ Qualcomm QPrize ഉം ജിബിന്റെ സ്ഥാപനത്തിന് ലഭിക്കുകയുണ്ടായി. ഇത് മറ്റൊരു സുപ്രധാന വഴിത്തിരിവായി. അതുവഴി പ്രശസ്ത VC-കളായ Accel Partners, Qualcomm Ventures എന്നിവരിൽ നിന്ന് നിക്ഷേപവും ലഭിച്ചു.

കഥ ഇതുവരെ

ആറു മാസത്തെ പരിശീലനം പൂർത്തിയാക്കി ജിബിനും കൂട്ടരും അമേരിക്കയിൽ നിന്ന് തിരിച്ചെത്തിയിട്ട്‌ ഏതാനും ദിവസങ്ങൾ മാത്രമേ ആയിട്ടുള്ളൂ. നിർമ്മാണഘട്ടത്തിലേക്ക് കടക്കാൻ ആവശ്യമായ 1.3 ദശലക്ഷം ഡോളർ സമാഹാരിക്കുന്നതിൽ നിന്ന് കൈയെത്തും ദൂരെയാണ് ഇന്നവർ. വേണ്ടത് ഒരു ലീഡ് investor മാത്രം. അതിനായി അന്താരാഷ്ട്ര skateboarding ഇതിഹാസം Tony Hawk ഉം, Silcion Valley Super Angel ആയ Asha Jadeja യുമായും സംസാരിച്ചു മുന്നേറുക ആണ് ജിബിൻ ഇപ്പോൾ.

ജിബിന്റെ കഥയും അനുഭവവും നമുക്ക് കാണിച്ചു തരുന്നത്, ശരിയായ പിന്തുണയും സാഹചര്യവും ഒരുക്കുന്നതു വഴി, ലോകത്തിലെ തന്നെ മികച്ച startup-കളോട് കിടപിടിക്കാൻ കഴിയുന്ന ആശയങ്ങളും സ്ഥാപനങ്ങളും പടുത്തുയർത്താൻ നമ്മുടെ യുവതീയുവാക്കൾക്കും സാധിക്കും എന്ന് തന്നെ ആണ്.

വേണം അടിസ്ഥാനപരമായ മാറ്റം

Startup Village ന്റെ ആദ്യകാലം മുതൽക്കുള്ള പരിചയവും, തുടർന്നുള്ള വർഷങ്ങളിൽ ഒരു mentor എന്ന നിലയിൽലുള്ള പ്രവർത്തനവും വഴി, ആശയങ്ങളും ആഗ്രഹങ്ങളും മാത്രം മുതൽക്കൂട്ടായുള്ള ഒരു കോളേജ് വിദ്യാർഥിയിൽ നിന്നും പക്വതയാർന്ന ഒരു സംരംഭകനിലേക്ക് ചുരുങ്ങിയ കാലയളവിനുള്ളിലുള്ള ജിബിന്റെ വളർച്ച ഞാൻ നേരിൽ കണ്ടിട്ടുള്ളതാണ്. വിവിധ പരിപാടികളിലൂടെ കടന്നു പോകുന്പോൾ അത് ജിബിന്റെ കാഴ്ചപ്പാടിലും സമീപനത്തിലും വരുത്തിയിട്ടുള്ള മാറ്റത്തിനും ഞാൻ സാക്ഷിയാണ്.

ഇത്തരത്തിൽ അടിസ്ഥാനപരമായ ഒരു മാറ്റമാണ് നമ്മുടെ യുവതലമുറയിലും സമൂഹത്തിലും നമുക്ക് വരുത്തുവാൻ സാധിക്കേണ്ടത്. എന്റെ Startup Village, Kerala Startup Mission പ്രർത്തനങ്ങളിലൂടെ ഞാൻ ലക്ഷ്യമിടുന്നതും അതുതന്നെ.


Website: http://www.rideblock.com/

ഒരു വലിയ സലാം ഈ അദ്ധ്യാപകർക്ക്



HP ഗ്യാരേജിന്റെ മുൻപിൽ സ്ഥിതിചെയ്യുന്ന ലോഹഫലകത്തിനു സമീപം

കാലിഫോർണിയയിൽ സിലിക്കൺ വാലിയുടെ ജന്മസ്ഥാനം എന്ന് വിശേഷിപ്പിക്കുന്ന ഒരു കൊച്ചു ഇടമുണ്ട്. ഇന്ന് HP (Hewlett Packard) എന്ന പേരിൽ അറിയപ്പെടുന്ന ലോകപ്രശസ്തമായ കന്പനിയുടെ ഉറവിടമായ ആ ഗ്യാരേജിനെയാണ് അങ്ങനെ വിശേഷിപ്പിക്കപ്പെടുന്നത്. stanford സർവകലാശാലയിൽ നിന്നും നടക്കാവുന്ന ദൂരത്തിലാണ് ഇത് സ്ഥിതി ചെയ്യുന്നത്. കാലിഫോർണിയ സ്‌റ്റേറ്റും അമേരിക്കൻ രാജ്യവും ചരിത്രപ്രാധാന്യമുള്ളതായി പ്രഖ്യാപിച്ച ഈ ഇടം സന്ദർശിക്കുന്പോൾ അവിടെ ഒരു ലോഹഫലകത്തിൽ സിലിക്കൺ വാലിയുടെ ഉത്ഭവത്തിന്റെ ചരിത്രം ചുരുക്കത്തിൽ വായിച്ചറിയാൻ സാധിക്കും.

HP യുടെ സ്ഥാപകരായ William Hewlett ഉം David Packard ഉം അവരുടെ ആദ്യത്തെ പ്രോഡക്റ്റായ ഓഡിയോ oscillator വികസിപ്പിച്ചു തുടങ്ങിയത് ഈ ഗ്യാരേജിൽ നിന്നാണ്. ഇവർ stanford വിദ്യാർത്ഥികൾ ആയിരിക്കെ തന്നെയാണ് ഇത്. ഒരു പക്ഷെ സിലിക്കൺ വാലിയിലെയോ അമേരിക്കയിലോ തന്നെ ആദ്യത്തെ വിദ്യാർത്ഥി സംരംഭകരും ഇവർ തന്നെ ആയിരുന്നേക്കാം. പഠിച്ചുകൊണ്ടിരിക്കുന്പോൾ തന്നെ സംരംഭക പ്രയാണത്തിൽ ഏർപ്പെടാൻ വരും കാല വിദ്യാർത്ഥികൾക്ക് പ്രചോദനമായത് ഈ രണ്ടു വിദ്യാർത്ഥി മിടുക്കരാണ്. ഇതിന്റെയെല്ലാം പരിണിത ഫലമായി ഉടലെടുത്ത ശാസ്‌ത്രസാങ്കേതികവിദ്യ അധിഷ്ഠിത സംഭരകത്വവും വിദ്യാർത്ഥി സംരംഭകത്വ സംസ്കാരവുമാണ് ആ പ്രദേശത്തിനു സിലിക്കൺ വാലി എന്ന വിളിപ്പേര് തന്നെ നൽകിയത്.

വിദ്യാർത്ഥികളായിരിക്കെ തന്നെ സംരംഭങ്ങൾ തുടങ്ങുന്നതിനു മറ്റുള്ളവർക്ക് പ്രചോദനമായ ഇവർക്ക് എന്തായിരുന്നു പ്രചോദനം എന്ന ചോദ്യത്തിന്റെ ഉത്തരവും ആ ലോഹഫലകത്തിലുള്ള വിവരണക്കുറിപ്പിൽ നിന്ന് തന്നെ നമുക്ക് ലഭിക്കും. ഒരു വ്യക്തിയുടെ പേരാണ് നമുക്ക് കാണുവാൻ സാധിക്കുന്നത് — Frederick Terman

ഫാദർ ഓഫ് സിലിക്കൺ വാലി

Stanford സർവകലാശാലയിലെ ഒരു പ്രൊഫസർ ആയിരുന്നു Terman. സിലിക്കൺ വാലിയുടെ പിതാവെന്നാണ് ഇദ്ദേഹത്തെ വിശേഷിക്കപ്പെടുന്നത്. അമേരിക്കയുടെ മറ്റു ഭാഗങ്ങളിൽ പോയി ജോലി ചെയ്യുന്നതിന് പകരം അവിടെ തന്നെ നിന്ന് കൊണ്ട് സ്വന്തമായി ഇലക്ട്രോണിക്സ് സ്ഥാപനങ്ങൾ തുടങ്ങിക്കൂടേ എന്ന ആശയം വിദ്യാർത്ഥികളിൽ പ്രചരിപ്പിക്കുകയും അവരെ അതിനു പ്രോത്സാഹിപ്പിക്കുകയും ചെയ്തിരുന്നത് Terman ആയിരുന്നു. അങ്ങനെ Terman ന്റെ വാക്കുകളുടെയും പ്രോത്സാഹങ്ങളുടെയും ഫലമായി സംരംഭം തുടങ്ങുന്നതിനായി മുന്നോട്ടു വന്ന അനേകം വിദ്യാർത്ഥികളിൽ ആദ്യത്തെ രണ്ടു പേരായിരുന്നു നമ്മുടെ രണ്ടു HP സ്ഥാപകർ. അവരിൽ പലർക്കും വേണ്ടുന്ന മൂലധനം തന്റെ സ്വന്തം സന്പാദ്യത്തിൽ നിന്നും നൽകിയിരുന്നതും Terman തന്നെ ആയിരുന്നു.

പിന്നീട് Stanford സർവകലാശാലാ Dean ആയിരിക്കുന്പോൾ Terman ന്റെ നേതൃത്വത്തിൽ ആവശ്യകമായ ലാബുകൾ തിട്ടപ്പെടുത്തുകയും Stanford Industrial Park എന്ന ആശയം നടപ്പിലാക്കി അതിലേക്കു മികച്ച HiTech സ്ഥാപനങ്ങളെ ആകർഷിക്കുകയും ചെയ്തു. ഗവേഷണത്തിനായി ധാരാളം ഗ്രാന്റ് പണം സർക്കാരിൽ നിന്ന് നേടിയെടുക്കുവാനും അദ്ദേഹത്തിന് സാധിച്ചു. അങ്ങനെ സിലിക്കൺ വാലി എന്ന ആശയത്തിന് രൂപം നൽകുകയും നാനാവിധത്തിലുള്ള പരിശ്രമങ്ങൾ വഴി അതിന്റെ സാക്ഷാത്ക്കരണത്തിൽ സുപ്രധാന പങ്കു വഹിക്കുകയും ചെയ്‌ത Terman നെ സിലിക്കൺ വാലിയുടെ പിതാവായി തന്നെ കണക്കാക്കപ്പെടുന്നു.

സിലിക്കൺ വാലി സംസ്കാരത്തിലെ ഇന്ത്യൻ കൈപ്പട

ഒരു ഫെല്ലോഷിപ്പ് പദ്ധതിയുടെ ഭാഗമായിട്ടാണ് ഞാൻ ആദ്യമായി സിലിക്കൺ വാലി സന്ദർശിക്കുന്നതും അവിടുത്തെ സംസ്കാരം നേരിട്ട് അനുഭവിച്ചറിയുന്നതും. രാജീവ് motwani എന്ന വ്യക്തിയുടെ പേരിലുള്ളതായിരുന്നു ഈ ഫെല്ലോഷിപ്പ്. Stanford സർവകലാശാലയിലെ computer science വിഭാഗത്തിലെ ഒരു പ്രൊഫസറായിരുന്ന ഇദ്ദേഹത്തെക്കുറിച്ചു അധികമാരും ഒരു പക്ഷെ കേട്ടിട്ടുണ്ടാവില്ല.

ഗൂഗിൾ, paypal തുടങ്ങിയ നിരവധി പ്രശസ്ത കന്പനികളുടെ ഉപദേഷ്ടാവായിരുന്നു രാജീവ്. ഇദ്ദേഹത്തിന്റെ വിദ്യാർത്ഥികളായിരുന്നു ഗൂഗിൾ സ്ഥാപകരായ Larry ഉം Sergey ഉം. ഇവരുടെ PHD guide ആയിരുന്നപ്പോൾ അവരോടൊത്തു രചിച്ച page rank അൽഗോരിതത്തിനെപ്പറ്റിയുള്ള ഗവേഷണ പേപ്പർ ആണ് ഗൂഗിളിന്റെ സെർച്ച് സാങ്കേതികവിദ്യയുടെ ആധാരം. ഗൂഗിളിലെ ആദ്യത്തെ നൂറിലധികം ജീവനക്കാരും ഇദ്ദേഹത്തിന്റെ വിദ്യാർത്ഥികളായിരുന്നു. ജീവിച്ചിരിക്കുന്ന iron man എന്നറിയപ്പെടുന്ന Elon Musk ന്റെ ആദ്യത്തെ സംരംഭമായ paypal ന്റെ technical architecture വരച്ചു കൊടുത്തതും ഇദ്ദേഹം തന്നെ.

Terman ന്റെ പാത പിന്തുടർന്ന് തന്റെ വിദ്യാർത്ഥികളെ സംരംഭകരാകാൻ പ്രോത്സാഹിപ്പിച്ചും സ്വന്തം സന്പാദ്യത്തിൽ നിന്ന് പണം കൊടുത്തും സാങ്കേതിക ഉപദേഷ്ടാവായി പ്രവർത്തിച്ചും ഒട്ടനവധി സ്ഥാപങ്ങളുടെ ഉത്ഭവത്തിനും അഭിവൃദ്ധിക്കും രാജീവ് നിമിത്തമായി. ഏവരെയും പ്രതിഫലേഛ കൂടാതെ സഹായിക്കുന്ന പ്രകൃതക്കാരനായിരുന്ന ഇദ്ദേഹം സിലിക്കൺ വാലിയുടെ സവിശേഷതയായി കണക്കാക്കപ്പെടുന്ന pay it forward സംസ്കാരത്തിന്റെ തന്നെ ഉപജ്ഞാതാവായാണ് കണക്കാക്കപ്പെടുന്നത്. ഇദ്ദേഹത്തിന്റെ വീട്ടിൽ വച്ച് നടന്നിരുന്ന രാജീവ് സർക്കിൾ എന്ന കൂട്ടായ്മയിൽ നിന്നും പ്രചോദനം ഉൾക്കൊണ്ടാണ് ഞങ്ങൾ Startup Village ൽ Community Gathering മുതലായ കൂട്ടായ്മകൽ ആസൂത്രണം ചെയ്തത് പോലും

സിലിക്കൺ വാലിയിലെ അദൃശ്യ ശക്തികൾ

യഥാർത്ഥത്തിൽ സിലിക്കൺ വാലിയുടെ ഉത്ഭവത്തിനു കാരണമായതും അതിനു കരുത്തു പകരുന്നതും അപ്പോൾ sandhill റോഡോ അവിടെ സ്ഥിതി ചെയ്യുന്ന venture capital സ്ഥാപങ്ങളോ അല്ല. മറിച്ചു അദൃശ്യ ശക്തികളായി നിസ്വാർത്ഥ സേവനം നടത്തി വന്നിരുന്ന രാജീവിനെയും Terman യും പോലുള്ള അദ്ധ്യാപകരാണ്. ഇവരുടെ ശിക്ഷണത്തിൽ വളർന്നു വന്ന പ്രതിഭകളുടെ ഉത്ഭവസ്ഥാനം അന്വേഷിച്ചു മേല്പറഞ്ഞ venture capital സ്ഥാപങ്ങൾ stanford സർവകലാശാലയുടെ സമീപത്തുള്ള sandhill road ൽ വന്നടിയുകയായിരുന്നു.

ഈ അധ്യാപകരും അവരുൾപെടുന്ന വിദ്യാഭ്യാസ സ്ഥാപങ്ങളും പ്രദാനം ചെയ്യുന്ന ഭൗതികവും സാങ്കേതികവുമായ കരുത്തിന്റെ ആഴവും വ്യാപ്തിയും മൂലമാണ് പുതുപുത്തൻ ആശയങ്ങളുടെ ഒരു ഖനിയായിത്തന്നെ തീരുവാൻ ഈ കൊച്ചു പ്രദേശത്തിനായത്. അതിലെല്ലാമുപരി ധാർമികമായ തത്വശാസ്ത്രങ്ങളുടെ വക്താക്കളാണ് ഇവിടെ നിന്ന് വളർന്നു വരുന്ന സ്ഥാപനങ്ങളും അവയുടെ സ്ഥാപകരും എന്നതും ഈ ഗുരുക്കന്മാർ പകർന്നു നൽകിയ ആദർശങ്ങളുടെ ഫലമാണ്. അതിനാൽ തന്നെ ഇവിടെ നിന്ന് ഉത്ഭവിക്കുന്ന സ്ഥാപനങ്ങൾ പണം സന്പാദിക്കുന്നതിനേക്കാൾ മാനുഷിക മൂല്യങ്ങൾക്ക് പ്രാധാന്യം നൽകുന്നു. ഗൂഗിളിന്റെ “Dont be evil” എന്ന പ്രവർത്തന തത്വത്തിന്റെ പ്രചോദനം എവിടെ നിന്ന് എന്നതും അപ്പോൾ നമുക്ക് മനസിലാകുവാൻ സാധിക്കുന്നു.

സിലിക്കൺ വാലിയുടെ മുഖമുദ്രയെന്ന് വിശേഷിപ്പിക്കപ്പെടുന്ന രീതികൾ ഒരുവിധം എല്ലാം തന്നെ അദ്ധ്യാപനവൃത്തിയിൽ ഏർപ്പെട്ടിരിക്കുന്ന സമൂഹത്തിൽ നിന്ന് കടമെടുത്തവയാണ്. ആശയങ്ങളുടെ ശക്തിക്കു പരമോന്നത പ്രാധാന്യം നൽകുക, ആശയങ്ങൾ തമ്മിൽ പങ്കു വക്കുക, വിശ്വാസത്തിലൂന്നിയുള്ള പ്രവർത്തന രീതികളൾ സ്വീകരിക്കുക, ഉപഭോക്താക്കളുടെ സേവനത്തിനു പ്രാധാന്യം നൽകുക, പരമാവധി സേവനങ്ങൾ സൗജന്യമായി നൽകുക, പ്രതിഫലേഛയില്ലാതെ ഏവരെയും സഹായിക്കുക, സാന്പത്തികമായും അല്ലാതെയുമുള്ള നേട്ടം ഉദാരമായി മറ്റുള്ളവരുമായി പങ്കു വെക്കുക തുടങ്ങിയവയെല്ലാം തന്നെ കാലാകാലങ്ങളായി അദ്ധ്യയന സമൂഹത്തിൽ അനുഷ്ഠിച്ചു വരുന്നവയാണ്. ഇവിടെയുള്ള സംരംഭകരുടെ ഇടയിൽ കാണപ്പെടുന്ന സുതാര്യമായ angel investing സംസ്കാരവും ഇതിന്റെ മറ്റൊരു ആവിർഭാവമാണ്. എന്തിനേറെപ്പറയുന്നു, ജോലി ചെയ്യാൻ ലോകത്തിലെ ഏറ്റവും മികച്ച സ്ഥലങ്ങളിൽ ഒന്ന് എന്ന് വിശേഷിക്കപ്പെടുന്ന ഗൂഗിൾ തങ്ങളുടെ ക്യാംപസും പ്രവർത്തന രീതികളും ഒരു കോളേജ് ക്യാംപസിന്റെ മാതൃക അനുകരിച്ചല്ലേ സൃഷ്ട്ടിച്ചിരിക്കുന്നത്.

അദ്ധ്യാപകരുടെ മഹത്തായ പങ്ക്

എങ്ങനെ ഒക്കെ നോക്കിയാലും നല്ലൊരു സാങ്കേതിക സംരംഭകത്വ സംസ്കാരം വളർത്തുന്നതിൽ അദ്ധ്യാപകർ വഹിക്കുന്ന പങ്ക് നിർണ്ണായകമാണ്. പ്രത്യക്ഷവും പരോക്ഷവുമായി നമ്മുടെ നിരവധി അദ്ധ്യാപകർ ചെറുതും വലുതുമായ രീതികളിൽ നിസ്വാർത്ഥമായി പ്രവർത്തിച്ചതു കൊണ്ട് തന്നെയാണ് ഇന്ന് നമ്മൾ കാണുന്ന സംരംഭകത്വ സംസ്കാരം നമ്മുടെ campus കളിൽ തളിർക്കുവാൻ തുടങ്ങിയിരിക്കുന്നത്. എന്റെ പ്രവർത്തനകാലയളവിൽ അങ്ങനെയുള്ള ഒരുപാട് അദ്ധ്യാപകരുടെ പ്രയത്‌നങ്ങളെക്കുറിച്ചു അറിയുവാൻ ഇടയായിട്ടുണ്ട്. അതിലും പതിന്മടങ്ങു അദ്ധ്യാപകർ ഈ മേഖലയിൽ പ്രവർത്തിക്കുന്നുണ്ട് എന്നതും തീർച്ചയാണ്.

നമ്മുടെ കലാലയങ്ങളിൽ നിന്ന് മികച്ച സംരംഭകരും സംരംഭങ്ങളും വന്നിട്ടുണെങ്കിൽ അതിന്റെ പിന്നിൽ പ്രോത്സാഹനവും മറ്റു സഹായസകരണങ്ങളുമായി ഒരു അധ്യാപകൻ എങ്കിലും കാണും എന്നത് സുനിശ്ചിതം. ഞങ്ങളുടെ സ്റ്റാർട്ടപ്പ് ആയ മോബ്മിയുടെ ആദ്യകാലങ്ങളിൽ എന്റെ സുഹൃത്തും സഹപ്രവർത്തകനും ആയിരുന്ന സഞ്ജയ്‌ക്കു അന്നത്തെ തിരുവനന്തപുരം എഞ്ചിനീയറിംഗ് കോളേജ് മെക്കാനിക്കൽ ഡിപ്പാർട്മെന്റ് മേധാവി ആയിരുന്നു പ്രൊഫസർ അനിൽ ചെയ്തുകൊടുത്തിട്ടുള്ള ഉപകാരങ്ങൾ അതിനൊരു ഉദാഹരണം മാത്രമാണ്.

“When we set out to create a community of technical scholars in Silicon Valley, there wasn’t much here and the rest of the world looked awfully big. Now a lot of the rest of the world is here” — Frederick Terman

നമ്മുടേതു പോലുള്ള ഒരു സ്ഥിതിവിശേഷമായിരുന്നു തുടക്കത്തിൽ Terman ഉം നേരിട്ടത് എന്നത് അദ്ദേഹത്തിന്റെ ഈ വാക്കുകളിൽ നിന്ന് നമ്മുക്ക് ഉൾക്കൊള്ളാം. ഓരോ അദ്ധ്യാപകനും അവരവരുടെ കോളേജുകളിലെ സംരംഭകത്വ സംസ്കാരം വളർത്തുന്നതിനുള്ള അവസരം നമുക്ക് രാജീവിന്റെയും Terman ന്റെയും കഥകളിൽ നിന്നും തിരിച്ചറിയാം. ഒത്തൊരുമിച്ചുള്ള പ്രവർത്തനങ്ങളിലൂടെ സിലിക്കൺ വാലിയിൽ കണ്ടതിനു സമാനമായിട്ടുള്ള സാങ്കേതികവിദ്യയിൽ അധിഷ്ഠിതമായ ഒരു സംസ്‌കാരം നമ്മുടെ കൊച്ചു കേരളത്തിൽ വളർത്തിയെടുക്കാൻ നമുക്ക് നമുക്ക് പ്രയത്‌നിക്കുകയും ചെയ്യാം

സിലിക്കൺ വാലിയിലെ കൗതുകക്കാഴ്ചകൾ


ഞാൻ നേതൃത്വം വഹിച്ച SVSquare പദ്ധതിയുടെ ഭാഗമായിട്ടുള്ള സിലിക്കൺ വാലി പര്യടനത്തിൽ കൗതുകകരമായ ഒട്ടേറെ കാഴ്ചകളും ആശയങ്ങളും നേരിട്ടു അനുഭവിച്ചറിയാൻ ഇടയായി. അത്തരത്തിലുള്ള ഒരു അനുഭവത്തെക്കുറിച്ചാവട്ടെ ഇന്നത്തെ പംക്തി


എവർനോട്ട് സന്ദർശനം

Technology startup ലോകത്തെ iconic സ്ഥാപനങ്ങളിൽ ഒന്നാണ് എവർനോട്ട്. SVSquare പര്യടനത്തിൽ ഞങ്ങൾ സന്ദർശിച്ച കന്പനികളിൽ എവർനോട്ടും ഉണ്ടായിരുന്നു. സിലിക്കൺ വാലിയിലെ tech startup സംസ്കാരം പ്രത്യേകം എടുത്തു പറയേണ്ടതാണ്. തുറന്ന ഓഫീസ് രൂപകല്പനകൾ, സൗജന്യ ഭക്ഷണം, ആശയങ്ങൾ എഴുതാൻ പാകത്തിനുള്ള ideapaint ഭിത്തികൾ ഇതെല്ലാംതന്നെ എവർനോട്ടിലും കാണാം. സാധാരണയായി കണ്ടു വരാത്ത ചില കാര്യങ്ങളും എവർനോട്ട് സന്ദർശനത്തിൽ എനിക്കു കണ്ടു പഠിക്കുവാൻ സാധിച്ചു.

കൗതുകമുണർത്തിയ ഒരു കോഫി കൗണ്ടർ

കന്പനിയിൽ കയറുന്ന ഉടനെ റിസപ്ഷൻ ഏരിയയുടെ വലതു വശത്തായി ഒരു കോഫി കൗണ്ടർ. ഇത്തരത്തിലുള്ള കോഫി കൗണ്ടറുകൾ ഇപ്പോൾ ഏതൊരു ഓഫീസിലും സാധാരണമാണെന്നു പറയാം. എന്നാൽ വളരെ ശ്രദ്ധാപൂർവം കോഫി ഉണ്ടാക്കിത്തരുന്ന ഒരു വ്യക്തി ആ കോഫി കൗണ്ടറിൽ ഉണ്ടായിരുന്നു. ഇതു തികച്ചും അസാധാരണമാണ്. ഇത്തരം സ്ഥാപനങ്ങളിൽ ഇതുവരെ ഞാൻ കണ്ടു വന്നിട്ടുള്ള കോഫി കൗണ്ടറുകൾ “Help Yourself” മാതൃകയിലുള്ളവയാണ്. എന്നാൽ ഇവിടെ ഞങ്ങൾക്ക് കോഫി തന്ന് സല്ലപിച്ചതിനു ശേഷം അടുത്തയാളെയും വളരെ ഹാർദ്ദവമായി സ്വീകരിച്ചു കോഫി കൊടുത്തു സല്ലപിക്കുന്ന കാഴ്ചയാണ് ഞങ്ങൾക്ക് കാണാൻ സാധിച്ചത്.


അപ്പോഴേക്കും ഞങ്ങളുടെ ആതിഥേയനായ Troy Malone ഞങ്ങളെ വന്നു സ്വീകരിക്കുകയായിരുന്നു. ഇന്ത്യയിൽ നിന്നെത്തിരിക്കുന്ന ഞങ്ങളെ സ്വീകരിക്കുവാൻ ഇന്ത്യൻ ക്രിക്കറ്റ് റ്റീമിന്റെ ഒരു ജെർസി തരപ്പെടുത്തി അതും അണിഞ്ഞുകൊണ്ടാണ് Troy വന്നത്. ആഗോളതലത്തിൽ എവർനോറ്റിന്റെ ബിസിനസ് development ന്റെ മേൽനോട്ടം വഹിക്കുന്ന ഓഫീസർ ആയിരുന്നു Troy.

ബരിസ്റ്റയായി സിഇഒ


അറിയുവാനുള്ള ആഗ്രഹം അടക്കാൻ സാധിക്കാത്തതിനാൽ ഞങ്ങൾ ആദ്യം ചോദിച്ച ചോദ്യങ്ങളിൽ തന്നെ ഒന്നു പ്രതീക്ഷക്കു വിപരീതമായ ആ കോഫി കൗണ്ടറിനെപ്പറ്റിത്തന്നെയായിരുന്നു. അങ്ങനെ Troy യിൽ നിന്നു ഞങ്ങൾക്ക് അറിയാൻ സാധിച്ചത് കോഫി കൗണ്ടറിൽ ഞങ്ങളെ വരവേറ്റു ഞങ്ങൾക്ക് കാപ്പി ഉണ്ടാക്കി തന്ന വ്യക്തി ആ സ്ഥാപനത്തിലെ വളരെ സീനിയർ ആയ Vice President സ്ഥാനത്തുള്ള ഒരു ഓഫീസർ ആണെന്നുള്ളതാണ്. ആ സ്ഥാപനത്തിൽ സീനിയർ മാനേജ്മെന്റ് തലത്തിൽ പ്രവർത്തിക്കുന്ന എല്ലാ ഓഫീസർമാരും, CEO ഉൾപ്പടെ, ക്രമമായി ഇത്തരത്തിൽ ഒരു മണിക്കൂർ വീതം കോഫി കൗണ്ടറിൽ നിൽക്കേണ്ടതുണ്ടത്രേ.

ഉദ്ദേശം ലളിതമാണ്. സ്ഥാപനത്തിലുള്ളവർക്കു അവരുടെ മേലുദ്യോഗസ്ഥരെ പരിചയപ്പെടുന്നതിനും എല്ലാവർക്കും പരസ്പരം അനൗപചാരികമായ പശ്ചാത്തലത്തിൽ ബന്ധപ്പെടാനും അടുത്തറിയാനും ആണ് ഈ സന്പ്രദായം. ഇവരിൽ ആരൊക്കെ ഏതൊക്കെ സമയങ്ങളിലാണ് നിൽക്കുന്നത് എന്ന സമയവിവരങ്ങൾ സ്ഥാപനത്തിൽ എല്ലാവർക്കും കാണാവുന്ന രീതിയിൽ ഒരു ഓൺലൈൻ കലണ്ടറിലും രേഖപ്പെടുത്തിയിരിക്കുന്നു. ഏതെങ്കിലും ഒരാളെ ആർക്കെങ്കിലും കാണണമെങ്കിലും കൂടുതൽ പരിചയപ്പെടണമെങ്കിലും അദ്ദേഹത്തിന്റെ നിയുക്ത സമയം നേരത്തെ പറഞ്ഞ ഓൺലൈൻ കലണ്ടർ നോക്കി തിട്ടപ്പെടുത്തി ആ സമയം ഒരു കോഫി break ആയി plan ചെയ്തു കോഫി കൗണ്ടറിലേക്കു എത്താവുന്നതാണ്. ലളിതവും രസകരവുമായ ഈ വഴക്കം പ്രേമത്തിലെ നമ്മുടെ വിമൽ സാറുടെ ഭാഷയിൽ പറഞ്ഞാൽ സിംപിളും പവർഫുളും ആണ്.

വേണം മാറ്റം പ്രവർത്തന സംസ്കാരത്തിലും നയങ്ങളിലും

സ്തുത്യർഹവും പക്വതയാർന്നതുമായ ഒരു പ്രവർത്തന സംസ്കാരത്തിന് ഉടമയാണ് എവർനോട്ട് എന്നാണ് നമുക്ക് ഇതിൽനിന്നെല്ലാം മനസിലാക്കാൻ സാധിക്കുന്നത്. നമ്മുടെ ഏതെങ്കിലും പ്രമുഖ സ്ഥാപങ്ങളിലെ CEO അല്ലെങ്കിൽ MD നമുക്ക് ചായ തരുന്ന സ്ഥിതിവിശേഷം നമുക്ക് ആലോചിക്കാൻ പോലും കഴിയുമോ?

വ്യക്തികൾ തമ്മിൽ സംവാദവും ആശയവിനിമയവും നടക്കുന്നത് വഴി ആണ് അവരുടെ സർഗ്ഗശക്തിയും സഹവർത്തിത്വവും പരിപോഷിപ്പിക്കപ്പെടുന്നതെന്നു സമർത്ഥമായ സ്ഥാപനങ്ങൾ തിരിച്ചറിയുന്നു. അത്തരത്തിൽ ജീവനക്കാർ തമ്മിൽ കാണാനും സംസാരിക്കാനും നല്ല ബന്ധം ഉടലെടുക്കാനും സഹാകയമാവുന്ന സാഹചര്യം ഉണ്ടാക്കിയെടുക്കുക എന്നത് ഏതൊരു കന്പനിയുടെയും ആവശ്യമാണ്. അതു വരുത്തിയെടുക്കുക എന്നുള്ളത് നേതൃത്വത്തിന്റെ ഉത്തരവാദിത്വവും. അറിവിന്റെ അതിപ്രസരവും, ഏകാഗ്രതയുടെ അഭാവവും, സ്വകാര്യ ഉപഭോഗത്തിനുതകുന്ന ഡിജിറ്റൽ ഉപകാരണങ്ങളിലുള്ള അമിത ആശ്രയവും നിലകൊള്ളുന്ന ഈ കാലഘട്ടത്തിൽ ഇതിനു ഒന്നുകൂടെ പ്രാധ്യാന്യം ഏറുന്നു.

മാനവവിഭവശേഷിയുടെ ഉത്പാദനക്ഷമത വർധിപ്പിക്കുന്ന നയങ്ങളാണ് നമ്മൾ നമ്മുടെ എല്ലാ സ്ഥാപനങ്ങളിലും അനുവർത്തിക്കേണ്ടത്. അതിനു തന്നെയാണ് ഏറ്റം പ്രാധാന്യം നൽകേണ്ടതും. അപ്പോഴേ ആ സ്ഥാപനത്തിന് അതിന്റെ യഥാർത്ഥ വളർച്ച പ്രാപ്യമാവുകയും അതിന്റെ ഉപഭോക്താക്കളുടെയും നിക്ഷേപകരുടെയും താല്പര്യങ്ങൾ അക്ഷരാർത്ഥത്തിൽ പരിരക്ഷിക്കപ്പെടുകയും ചെയ്യുന്നുള്ളു. ഇത്തരത്തിൽ ഉത്പാദനക്ഷമത വർധിപ്പിക്കുന്ന രീതികളാൽ നവീന സ്ഥാപനങ്ങൾ പടുത്തുയർത്തുകയാണ് നവസംരംഭകർ അവരുടെ startup കളിലൂടെ ചെയ്യുന്നത്.

അല്പം നർമവിശേഷങ്ങളും

ഉപസംഹരിക്കുന്നതിനു മുൻപ് എവർനോട്ടിനെപ്പറ്റി അല്പം നർമവിശേഷം കൂടി. നമ്മുടെ ഓർമക്കുറിപ്പുകൾ എല്ലാം തന്നെ ഡിജിറ്റലായി ശേഖരിച്ചു മൊബൈലോ കംപ്യൂട്ടറോ മറ്റേതെങ്കിലും ഡിജിറ്റൽ ഉപകരണം വഴിയോ നമുക്ക് എപ്പോഴും ലഭ്യമാക്കിത്തരുകയും ചെയ്യുന്ന ഒരു പ്രോഡക്റ്റാണ് എവർനോട്ട്. അവരുടെ ലോഗോ ആണെങ്കിലോ ഒരു ആനയുടെ പടവും. അങ്ങു അമേരിക്കയിലുള്ള എവർനോട്ട് എന്തിനു അവരുടെ ലോഗോ കേരളത്തിന്റെ സംസ്ഥാന മ്ര്യഗമായ ആനയുടെ പടമാക്കാൻ തിരുമാനിച്ചു? ഇതിന്റെ ഉത്തരവും ട്രോയ് തന്നെ പറഞ്ഞു തന്നു.

‘Elephants never forget’ എന്നു പഴമക്കാരുടെ ഇടയിൽ ഒരു ചൊല്ലുണ്ട്. ആനകൾ ഒന്നും മറക്കാറില്ലത്രേ. അതുപോലെ നമ്മുടെ മനസിൽ ഉടലെടുത്ത ആശയങ്ങളും ചിന്തകളും പകർത്തിയ കുറിപ്പുകൾ ഒരിക്കലും മറക്കാതെ നമുക്ക് വേണ്ടി സൂക്ഷിച്ചു തരുന്നു എവർനോട്ട് എന്നതിന് സൂചകമായാണ് അവരുടെ ലോഗോയിലെ ആന.


അവരുടെ ക്യാന്റീനിൽ ലഭിക്കുന്ന ഭക്ഷണവിഭവങ്ങൾക്ക് Hobbit പ്രമേയത്തിലുള്ള പേരുകളാണ്. എന്നാൽ ഇതു എവർനോട്ടിന്റെ സ്ഥാപകന് hobbit ചലച്ചിത്രത്തോടും പുസ്തകത്തോടും ഉള്ള കന്പം കാരണം മാത്രമാണത്രെ. കഥകളെല്ലാം കേട്ടറിഞ്ഞതിനു ശേഷം അവിടെ idea wall ഭിത്തിയിൽ ആരോ വരച്ചുവച്ചിരുന്നു ഒരു കുട്ടിക്കൊന്പന്റെ ചിത്രം എന്റെ മൊബൈലിന്റെ ക്യാമറയിൽ പകർത്തി ഞങ്ങൾ അവിടെ നിന്നു യാത്രയായി. ആ കുട്ടിക്കൊന്പന്റെ അരികിൽ എഴുതി വച്ചിരുന്നു “Elephants never forget”

ഫാബ് ലാബുകളുടെ പ്രാധാന്യം


Printing ഇന്ന് നമുക്ക് എല്ലാവർക്കും സുപരിചിതമാണല്ലോ. എന്നാൽ അത്രക്ക് സുപരിചിതമല്ലാത്തതും എന്നാൽ വരും കാലങ്ങളിൽ നമ്മുടെ ജീവിതത്തിനെ ആകെമൊത്തത്തിൽ മാറ്റിമറിക്കുവാൻ പ്രാപ്തിയുമുള്ള ഒരു printing സാങ്കേതികവിദ്യയാണ് ഞാൻ ഇന്ന് നിങ്ങൾക്കു പരിചയത്തിപ്പെടുത്തിത്തരുവാൻ ഉദ്ദേശിക്കുന്നത്

3D Printing സാങ്കേതിക വിദ്യ

നമ്മുടെ വീടുകളിലും ഓഫീസുകളിലും കാണപ്പെടുന്ന പ്രിന്ററുകൾ വഴി പേപ്പറുകളിൽ Print ചെയ്യുന്ന അതേ ലാഘവത്തോടു കൂടെ നമ്മുടെ നിത്യജീവിതത്തിൽ ഉപയോഗിക്കുന്ന ഭൗതിക വസ്‌തുക്കൾ ‘print’ ചെയ്തു എടുക്കാവുന്ന 3D printing സാങ്കേതികവിദ്യ ഇന്ന് നിലവിലുണ്ട്. അതിനുതകുന്ന പ്രേത്യേകം 3D printer കളുമുണ്ട്. നിർമ്മിക്കേണ്ട വസ്തുവിന്റെ design file ഇന്റർനെറ്റ് വഴിയോ മറ്റേതെങ്കിലും വിധമോ തരപ്പെടുത്തി upload ചെയ്യുകയേ വേണ്ടൂ. ബാക്കിയെല്ലാം കംപ്യൂട്ടർ നോക്കിക്കോളും. പരന്പരാഗത ഉല്പാദനപ്രക്രിയകളുടെ സാങ്കേതിക പരിമിതികളാൽ നിർമ്മിക്കുവാൻ സാധ്യമല്ലാതിരുന്ന സങ്കീർണ്ണ ഡിസൈനുകളും 3D printing മാർഗ്ഗത്തിലൂടെ അനായാസേന നിർമ്മിക്കുവാൻ സാധിക്കുന്നു. ഇത്തരം 3D printer കളുടെ പ്രവർത്തനം ചിത്രീകരിച്ചിരിക്കുന്ന വീഡിയോകൾ ഇന്ന് YouTube ൽ സുലഭമായി ലഭ്യമാണ്.


കളമശ്ശേരിയിലെ FabLabൽ 3D പ്രിൻറർ ഉപയോഗിച്ച് താൻ നിർമ്മിച്ച കളിപ്പാട്ടവുമായി പ്രവീൺ ശ്രീധർ

കളിപ്പാട്ടങ്ങളും അലങ്കാര ആഭരണങ്ങളും മുതൽ പാത്രങ്ങളും അടപ്പുകളും വരെയുള്ള ഒട്ടുമിക്ക സാധനങ്ങളും ഇതുയോഗിച്ചു പ്രിന്റ് ചെയ്തെടുക്കാൻ സാധിക്കുന്നു. ഇന്ന് പ്ലാസ്റ്റിക്കിനാൽ നിർമ്മിച്ചിരിക്കുന്ന എല്ലാംതന്നെയും ലോഹത്തിലോ തടിയിലോ നിർമ്മിക്കപ്പെടുന്ന നല്ലൊരു ശതമാനം വസ്‌തുക്കളും 3D printing മുഖേന നിർമ്മിക്കാവുന്നവയുടെ പട്ടികയിൽപ്പെടും. നമ്മുടെ TV remote ന്റെ ബാറ്ററി കവർ കാണാതെ പോകുന്പോൾ പുതിയ ഒരെണ്ണം വാങ്ങുവാൻ കടയിൽ പോകുയായോ, പ്ലാസ്റ്റിക് ടേപ്പുകൾ വച്ച് ഒട്ടിക്കുകയോ ചെയ്യുന്നതിനു പകരം അതിന്റെ മോഡൽ നന്പർ ഉപയോഗിച്ച് ഇൻറർനെറ്റിൽ നിന്നും design ഫയൽ കണ്ടെത്തി വീട്ടിലിരിക്കുന്ന അല്ലെങ്കിൽ അടുത്തുള്ള DTP കടയിലുള്ള 3D പ്രിന്ററിൽ നിന്ന് ഒരു കോപ്പി പ്രിന്റ് എടുത്തു ഉപയോഗിക്കുന്ന സാഹചര്യം വിദൂരമല്ല.

വൻ കുതിപ്പുകളാണ് 3D printing സാങ്കേതിക വിദ്യയുടെ മേഖലയിൽ വന്നു കൊണ്ടിരിക്കുന്നത്. ഇരുപത്തിനാലു മണിക്കൂറുകൾക്കുള്ളിൽ ഒരു വീട് മുഴുവനായി print ചെയുന്ന 3D printer കൾ ഇന്ന് നിലവിലുണ്ട്. Printing നു ഉപയോഗിക്കുന്ന പദാർത്ഥങ്ങൾ പുനഃചംക്രമണം ചെയ്തു വീണ്ടും ഉപയോഗിക്കാവുന്ന മാർഗ്ഗങ്ങളാണ് ഗവേഷകരുടെ മറ്റൊരു ശ്രദ്ധാകേന്ദ്രം. ഇതിന്റെയും എല്ലാത്തിനും അപ്പുറത്തു ഭക്ഷണം പ്രിന്റ് ചെയ്‌യുന്നതും മനുഷ്യ അവയവങ്ങൾ പ്രിന്റ് ചെയ്യുന്നതുമായ 3D printer കളും ഇന്ന് ഗവേഷണ ശാലകളിൽ വിജയപ്രദമായി പരീക്ഷിക്കുകയും ചെയ്തിരിക്കുന്നു.

മൂന്നാം വ്യവസായ വിപ്ലവം

3D printing വഴിയുള്ള നിർമാണത്തിന്റെ ചിലവും സമയവും ദൈനംദിന ആവശ്യങ്ങൾക്ക് ഉപയോഗിക്കാവുന്ന രീതിയിൽ ഇന്ന് ചുരുങ്ങിയിട്ടില്ല. വരും കാലങ്ങളിൽ ഈ വസ്‌തുതകൾ മെച്ചപ്പെടുത്തുന്നതിന് ഗവേഷകർ പ്രയത്‌നിച്ചു വരുന്നു. ഇന്ന് ഇത്തരം printer കളുടെ വില അറുപതിനായിരം രൂപ വരെ താഴ്ന്നിരിക്കുന്നുവെങ്കിൽ വരുന്ന ഏതാനും വർഷങ്ങൾക്കകം തന്നെ ഇവയുടെ വില ഇന്ന് സാധാരണ printer കളുടേതുപോലെ അയ്യായ്യിരം രൂപയിലേക്കു താഴുമെന്നാണ് കണക്കുകൂട്ടപ്പെടുന്നത്. എല്ലാം ഒത്തുവരുന്ന സാഹചര്യത്തിൽ 3D പ്രിന്ററുകൾ ഇന്ന് ഗ്യാസ് stove അല്ലെങ്കിൽ മൊബൈൽ ഫോണുകൾ പോലെ ആർക്കും മേടിക്കാനാവുന്ന ഒന്നും നമ്മുടെ ജീവിതത്തിന്റെ അവിഭാജ്യ ഘടകവുമായിത്തീരുകയും ചെയ്യും

കംപ്യൂട്ടറുകളുടെയും മൊബൈൽ ഫോണുകളുടെയും ഉത്ഭവത്തോടു കൂടി ലോകം വിവരസാങ്കേതിക മേഖലയിൽ വളരെ വലിയ മാറ്റങ്ങൾക്കു സാക്ഷിയായത് പോലെ, 3D printing സാങ്കേതിക വിദ്യ പൂർണ്ണ വളർച്ച ആർജിക്കുന്നതോടെ അതിലും വലിയ ഒരു മാറ്റം ഇന്ന് ഫാക്ടറികൾ അധിഷ്ഠിതമായി പ്രവർത്തിച്ചു വരുന്ന ഉല്പാദന മേഖലയിലും നമുക്ക് കാണുവാൻ സാധിക്കും. ഇത്തരത്തിൽ നിരീക്ഷിക്കുന്പോൾ നമ്മുടെ സമൂഹത്തിന്റെ സാംസ്‌കാരിക സാന്പത്തിക ഘടനയെത്തന്നെ പൊളിച്ചെഴുതാൻ ശക്തിയുള്ള ഒരു സാങ്കേതിക വിദ്യതന്നെയാണ് 3D printing. ഒരു മൂന്നാം വ്യവസായ വിപ്ലവം തന്നെയാണ് അപ്പോൾ നമ്മളെ കാത്തിരിക്കുന്നത്.

ഡിജിറ്റൽ manufacturing ലാബുകളുടെ ആവശ്യകത

എൺപതുകളിലും തൊണ്ണൂറുകളിലും നമ്മുടെ സ്കൂളുകളിൽ ഉൾപ്പെടെ കംപ്യൂട്ടർ ലാബുകൾ സ്ഥാപിക്കുവാനും സന്പൂർണ്ണ ഡിജിറ്റൽ സാക്ഷരത കൈവരിക്കുവാനും നമ്മൾ തീരുമാനിച്ചതിന്റെ ഫലമായാണ് ഇരുപതാം നൂറ്റാണ്ടിൽ വിവരസാങ്കേതിക മേഖലയിൽ ലോകത്തുണ്ടായ കുതിപ്പിൽ നമുക്ക് നേട്ടം കൊയ്യാനായത്. അതുപോലെ വരും കാലങ്ങളിൽ 3D printing പോലുള്ള സാങ്കേതിക വിദ്യകൾ നമ്മുടെ സാധാരണ ജീവിതത്തിലും തൊഴിൽ — വ്യവ്യസായ മേഖലകളിലും ചെലുത്തുവാൻ പോകുന്ന സ്വാധീനം കണക്കിലെടുത്തു നമ്മുടെ ജനതയെ അത്തരമൊരു ലോകത്തിൽ പ്രസരിക്കുന്നതിനു പര്യാപ്തമാക്കേണ്ടതിന്റെ ആവശ്യകത ഇന്ന് നമുക്കുണ്ട്. ഇതിനായുള്ള ആദ്യ ചുവടുകൾ കേരളം എടുത്തു കഴിഞ്ഞിരിക്കുന്നു.

കേരളത്തിലെ ഫാബ് ശൃംഖല

3D printing ഉൾപ്പെടെയുള്ള സാങ്കേതിക വിദ്യകൾ നേരിട്ട് അനുഭവിക്കുന്നതിനും പരിശീലിക്കുന്നതിനുമായുള്ള ലാബുകളാണ് FabLab കൾ. ഇത്തരത്തിലുള്ള രണ്ടു ലാബുകളാണ് M.I.T സർവകലാശാലയുമായുള്ള പങ്കാളിത്തത്തിൽ സംസ്ഥാന സർക്കാർ സജ്ജമാക്കിയിരിക്കുന്നത്. ഒന്ന് തിരുവന്തപുരം technopark ലും മറ്റേതു കളമശ്ശേരി ടെക്നോളജി ഇന്നോവേഷൻ zone ലും സ്ഥിതി ചെയ്യുന്നു.

ഇത്തരം ലാബുകൾ നമ്മുടെ വിദ്യാഭ്യാസ സ്ഥാപങ്ങളിലേക്കും വ്യാപിപ്പിക്കുന്നതിനായി ഒരു പദ്ധതിയും ഇന്ന് സർക്കാർ നടപ്പിലാക്കി വരുന്നു. കേരള ടെക്നോളോജിക്കൽ സർവകലാശാലയുടെ പങ്കാളിത്തത്തോടെ നടപ്പിലാക്കി വരുന്ന പദ്ധതിയുടെ ഭാഗമായി ആദ്യ ഘട്ടത്തിൽ ഇരുപത്തിയഞ്ചു എഞ്ചിനീയറിംഗ് കോളേജുകളിൽ Mini FabLab കൾ സ്ഥാപിക്കുന്നതായിരിക്കും.

Startup Policy പ്രകാരമുള്ള മാനവവിഭവശേഷി വികസന പദ്ധതികളുടെ ഭാഗമായാണ് Fab ലാബും അനുബന്ധ പരിപാടികളും. ഇത്തരം സാങ്കേതിക വിദ്യയിൽപ്രാവീണ്യം നേടിയ പരിശീലകർ കൂടി നമ്മുടെ നാട്ടിൽ തന്നെ ഉണ്ട് എന്ന് ഉറപ്പുവരുത്തുന്നതിനും ശ്രദ്ധ നൽകിയിട്ടുണ്ട്. M.I.T സർവകലാശാലയുടെ തന്നെ FabAcademy പരിശീലനത്തിനുള്ള സ്കോളർഷിപ് നൽകുകയാണ് ചെയ്യുന്നത്. ഈ ആനുകൂല്യം പ്രയോജനപ്പെടുത്തി 25 പേർ ഇതിനകം FabAcademy പരിശീലനം പൂർത്തിയാക്കിക്കഴിഞ്ഞു.

പരിശീലനം നേടുന്നതിനുള്ള ഏറ്റവും നല്ല മാർഗം എന്ന് പറയുന്നത് FabLab സൗകര്യം ഉപയോഗിച്ച് ചെയ്യാവുന്ന ഒരു project ൽ ഏർപ്പെടുക എന്നതാണ്. മാർഗ്ഗനിർദ്ദേശം നൽകുന്നതിനായി FabAcademy പരിശീലനം പൂർത്തിയാക്കിയവരുടെയും FabLab അധികൃതരുടെയും സഹായം ലഭ്യമാവും. നിങ്ങൾക്കു സ്വന്തമായി ഉള്ള പ്രൊജക്റ്റ് idea വച്ചോ, അങ്ങനെ ഇല്ലെങ്കിൽ അവർ നിർദ്ദേശിക്കുന്ന project കളിൽ നിന്നൊന്നു തിരഞ്ഞെടുത്തോ തുടങ്ങാവുന്നതാണ്. പഠനത്തിൽ നിങ്ങൾ ഊന്നൽ നൽകേണ്ടത് വിവിധ തരം software കൾ ഉപയോഗിച്ച് ആശയങ്ങൾ ഡിജിറ്റലായി രൂപകൽപന ചെയ്യുന്നതിലാണ്. നമ്മൾ സങ്കല്പിച്ചു രൂപകൽപന ചെയ്യുന്ന ആശയങ്ങൾ കമ്പ്യൂട്ടറിന്റെ സഹായത്തോടുകൂടെ പരിമിതമായ സാങ്കേതിക പരിചയം വച്ച് തന്നെ സുഗമമായി സൃഷ്ട്ടിക്കാൻ സാധിക്കുന്നു എന്നത് തന്നെയാണ് ഡിജിറ്റൽ ഫാബ്രിക്കേഷൻ സാങ്കേതികവിദ്യകൾ നമുക്ക് പ്രദാനം ചെയ്യുന്ന അവസരവും.

FabLab സന്ദർശിക്കാം

FabLab കളെപ്പറ്റിയും ഡിജിറ്റൽ manufacturing നെപ്പറ്റിയും കൂടുതൽ അറിയുന്നതിനായി തിരുവനന്തപുരത്തോ കളമശ്ശേരിയിലോ ഉള്ള FabLab സന്ദർശിക്കാവുന്നതാണ്. വ്യക്തിയെന്ന നിലയിലോ അല്ലെങ്കിൽ ഒരു സ്ഥാപനത്തിൽ നിന്ന് ഒരു tour എന്ന നിലയിലോ സന്ദർശിക്കുന്നതിനായി അതതു FabLab മാനേജർമാർക്ക് അപേക്ഷ നൽകാം. അപേക്ഷ നൽകുന്നതിൽ സഹായിക്കുന്നതിനും പ്രക്രിയ സുഗമമാക്കുന്നതിനും കേരള സ്റ്റാർട്ടപ്പ് മിഷൻ ഫെല്ലോഷിപ്പിന്റെ ഭാഗമായിട്ടുള്ള 14 പേരിൽ ആരെയെങ്കിലും സമീപിക്കാവുന്നതാണ്. ഇവരിൽ മൂന്ന് പേർ FabAcademy പരിശീലനം പൂർത്തിയാക്കിയിട്ടുള്ളവരുമാണ്. ഇവരുമായി കൂടിക്കാഴ്ചയോ ആശയവിനിമയമോ നടത്തുന്നത് വഴിയും നിങ്ങൾക്കു ഈ മേഘലയെപ്പറ്റി കൂടുതൽ അറിവ് ലഭിക്കുന്നു. ഇവരെയാരെയും തന്നെ നിങ്ങളുടെ സ്ഥാപനങ്ങളിലേക്കു സംഭാഷണ പരിപാടികൾക്ക് ക്ഷണിക്കാവുന്നതുമാണ്.

സംഭാരക്ത്വ സംസ്കാരം വളർത്താം


Infosys ന്റെയും TCS ന്റെയും ഒക്കെ വളർച്ച കണ്ടു വളർന്ന നമ്മൾക്ക്, IT മേഘല എന്നു പറയുന്പോൾ മനസ്സിൽ തെളിയുന്ന ചിത്രം ക്യുബിക്കളുകളാൽ നിറഞ്ഞിരിക്കുന്ന ഒരു ഓഫീസിന്റെയും, അത്തരം ഓഫീസുകളാൽ നിറഞ്ഞിരിക്കുന്ന ബഹുനില കെട്ടിട സമുച്ചയങ്ങളുടെയുമാണ്. എന്നാൽ, IT startup കളുടെ സങ്കേതമായ Silicon Valley സന്ദർശിച്ചാൽ നിങ്ങൾക്ക് അങ്ങനെയുള്ള ഒന്നും തന്നെ കാണാൻ സാധിക്കില്ല. നേരെമറിച്ച് ഗൂഗിൾ പോലുള്ള company കളുടെ ഉത്ഭവസ്ഥലം ആയ University Avenue യുവിലൂടെ നടക്കുന്പോൾ, ഞാൻ പഠിച്ചിറങ്ങിയ കോളേജ് ഓഫ് എഞ്ചിനീയറിംഗ് തിരുവനന്തപുരത്തിന്റെ മുൻപിലുള്ളതു പോലെ ഉള്ള ഒരു വഴിയുടെ പ്രതീതിയാണ്. ആ റോഡ്‌ എത്തിച്ചേരുന്നത് Standord സർവകലാശാലയിൽ. വഴിയിലുടെനീളം CET യുടെ മുന്നിൽ ഉള്ള “സല്ലാപ്” എന്ന ചായക്കട കണക്കെ അനേകം കോഫി ഷോപ്പുകളും. തികച്ചും അസ്വാഭാവികമായി ഒന്നും തന്നെ കാണാൻ സാധിക്കാത്ത ഏതൊരു നല്ല കോളേജിന്റെ പുറത്തു കാണുവാൻ സാധിക്കുന്നതുമായ ഒരു പരിസ്ഥിതി മാത്രം. ഈ കോഫി ഷോപ്പിൽ ഇരുന്നു സല്ലപിക്കുന്നവരിൽ നിന്നാണ് നാളത്തെ ഗൂഗിളുകളും ഫേസ്ബുക്കുകളും വരുന്നത് എന്ന് പ്രഥമദ്രിഷ്ട്യാ ഗ്രഹിക്കുക അസാധ്യം.

Innovation ഫോർമുല

ലോകത്തിലെ ഏറ്റവും creative എന്ന് വിശേഷിപ്പിക്കപ്പെടുന്നത് കെട്ടിടമായിരുന്നു MIT സർവകലാശാലയിലെ നിലകൊണ്ടിരുന്ന Building 20. രണ്ടാം ലോകമഹായുദ്ധകാലത്ത് താൽകാലികഉപയോഗത്തിനായി മരത്തടിയിൽ തട്ടിക്കൂട്ടിയ 2,50,000 ചതുരശ്ര അടി വിസ്തീര്‍ണ്ണം ഉള്ള ഈ കെട്ടിടത്തിൽ നിന്നാണ് radar ഉൾപ്പെടുന്ന ശാസ്ത്ര സാങ്കേതിക ലോകത്തിന്റെ ഗതിവിഗതികളെതന്നെ മാറ്റിമറിച്ച ഒട്ടനവധി ആശയങ്ങളുടെ ഉത്ഭവം. ലോകത്തിലെതന്നെ ഏറ്റവും മികച്ച electonics company കളിൽ ഒന്നായ Bose Electronics സ്ഥാപകനായ Bose, ലോകത്തിലെ ഏറ്റവും പ്രശസ്ത രാഷ്ട്രീയ ചിന്തകരിൽ ഒരാളായ Naom Chomsky എന്നിവർ അവരുടെ ആശയങ്ങൾ വിരിയിച്ചെടുത്തതും ഈ കെട്ടിടത്തിൽ സമയം ചെലവഴിച്ചത്‌ വഴി. Magical incubtaor എന്നതായിരുന്നു ഈ കെട്ടിടത്തിന്റെ ഓമനപ്പേര് പോലും.

തികച്ചും ആകസ്മികമായ ഉരുത്തിരിഞ്ഞ ഒരു രൂപകൽപനയുടെ സവിശേഷതയാൽ ആണ് ഈ കെട്ടിടത്തിൽ നിന്നും ഇത്രയധികം ആശയങ്ങൾ പുറത്തുവരാൻ സഹകയമായത് എന്ന് ഗവേഷകർ പിന്നീടു കണ്ടെത്തുക ആയിരുന്നു. യാതൊരുവിധ രൂപകല്പനയും ഇല്ലാതെ പണിതുകൂട്ടിയ ആ കെട്ടിടത്തിൽ സുഗമമായ സഞ്ചാരം സാധ്യമാല്ലതിരുന്നത് വഴി ആളുകൾ എപ്പോഴും തമ്മിൽ കൂട്ടിമുട്ടുകയും ആശയവിനിമയം നടത്തേണ്ടി വരികയും ചെയ്തതിനാലാണ് നൂതനമായ ആശയങ്ങളുടെ ഒരു കലവറ തന്നെ ആയി ഈ കെട്ടിടം രൂപാന്തരപ്പെടുന്നതിനു കാരണമായതത്രേ. പല മേഘലകളിലായി പ്രവർത്തിച്ചു വരുന്നവർ ഒത്തുചേർന്നിരിക്കുന്ന സ്ഥലമയിരുന്നതിനാൽ ആശയങ്ങൾ മിശ്രിതമാവുന്ന സാഹചര്യവും സൃഷ്ടിക്കപ്പെട്ടു.

Silicon Valley യുടെ വാസ്തുശാസ്ത്രം

ഇതിന്റെയെല്ലാം രത്നചുരുക്കം, പല മേഘലകളിൽ പ്രവർത്തിച്ച് പ്രാഗത്ഭ്യവും പ്രാവീണ്യവും കൈവരിച്ച ആളുകൾ തമ്മിൽ അനൌപചാരികമായ സംവാദങ്ങൾക്ക് വഴി തെളിക്കുന്ന ഒരു സാഹചര്യം ഉണ്ടാകുന്നത് വഴി നൂതനമായ ആശയങ്ങൾ ജന്മമെടുക്കുന്നു എന്നതാണ്. ഈ ഒരു സിദ്ധാന്തത്തിന്റെ അടിസ്ഥാനത്തിലാണ് Silicon Valley യുടെ ഘടന. പ്രകൃതിയുടെ രൂപകല്പനയിൽ ആവർത്തിച്ചു കാണപ്പെട്ടു വരുന്ന golden ratio പോലെ, Silicon Valley യിൽ കാണപ്പെട്ടു വരുന്ന എല്ലാത്തിലും തന്നെ, കെട്ടിടങ്ങളുടെ വാസ്തുവിദ്യ മുതൽ ഓഫീസുകളുടെയും പരിപാടികളുടെയും രൂപകല്പനയിൽ വരെ, ഈ തത്ത്വത്തിൻറെ മുഖമുദ്ര പതിഞ്ഞിട്ടുണ്ട് എന്നത് ദ്രിശ്യമാണ്.

കുത്തനെ ഉയർന്നു നിൽക്കുന്ന കെട്ടിടങ്ങൾ ഇല്ല, മറിച്ചു തിരശ്ചീനമായി പടർന്നു പന്തലിച്ചു നിൽക്കുന്നവ. തുറന്ന മാതൃകയിലുള്ള പ്രവർത്തനതലങ്ങൾ. നമ്മുടെ IT സ്ഥാപനങ്ങളിലെ ക്യുബിക്കിളുകളിൽ ആളുകൾ പലകോണുകളിലെക്കായി പുറംതിരിഞ്ഞ് ഇരിക്കുന്പോൾ, അവിടെ പരസ്പരം അഭിമുഘമായി ഇരിക്കുന്നു. അവർ തമ്മിൽ തടസ്സം സൃഷ്ടിക്കുന്ന തരത്തിലുള്ള പാളികൾ ഒന്നും തന്നെ അവരുടെ മേശകളിൽ കാണുന്നില്ല എന്നതും ശ്രദ്ധിക്കാം. ഭാവന ഉണരുന്ന രീതിയിൽ ഉള്ള വർണാഭമായ ഓഫീസ് ഇടങ്ങൾ. ഓഫീസിൽ ഉടനീളം ആശയങ്ങൾ എഴുതി ചർച്ച ചെയ്യാൻ പാകത്തിനുള്ള ideapaint മതിലുകളും whiteboard കളും. അനൌപചാരികമായ കൂടികാഴ്ച്ചകളിലും സംവാദങ്ങളിലും ഏർപ്പെടുന്നതിനുള്ള സാഹചര്യം ഒരുക്കുന്ന സംവിധാനങ്ങളും ഒട്ടനവധി. അങ്ങനെ എല്ലാ തരത്തിലും ആളുകൾ തമ്മിൽ കൂട്ടിമുന്നുന്നതിനും അവർ തമ്മിൽ ആശയങ്ങൾ ചർച്ച ചെയ്യുന്നതിനും ഉതകുന്ന ഒരു പരിതഃസ്ഥിതിയാണ് നമുക്ക് Silicon Valley യിൽ ഉടനീളം കാണുവാൻ കഴിയുന്നത്‌.

കേരളത്തിന്റെ Building 20

ആദ്യകാലങ്ങളിൽ താല്കാലികമായി അനുവദിച്ചുകിട്ടിയ biotech incubator ലും, പിന്നീട് water tank കെട്ടിടത്തിലും പ്രവർത്തിച്ചിവന്ന Startup Village കേരളത്തിന്റെ Building 20 ആയി മാറുക ആയിരുന്നു. സൌകര്യങ്ങൾ നന്നേ പരിമിതം. എങ്കിലും അവിടെയുള്ള innovation zone കളിലും ഇടനാഴികളിലും നടന്ന കൂടിക്കാഴ്ചകളും ആശയവിനിമയങ്ങളും വഴി നമ്മുടെ യുവതീയുവാക്കൾ ആ കെട്ടിടത്തെ നൂതനമായ ആശയങ്ങളുടെ ഒരു ഖനിയായിതന്നെ മാറ്റുകയായിരുന്നു. Fin ഉൾപ്പടെയുള്ള Startup Village ലെ യുവസംരഭകരുടെ എല്ലാ ആശയങ്ങളും ഉടലെടുക്കുന്നതും 5k കെട്ടിടം എന്ന് വിശേഷിപ്പിച്ചിരുന്ന നമ്മുടെ ഈ കൊച്ചു Building 20 യിൽ നിന്നും തന്നെ.

Silicon Valley യിൽ നിന്നുൾക്കൊണ്ട പാഠങ്ങൾ ഉപയോഗപ്പെടുത്തിയും, അത് പദ്ധതി ആസൂത്രണത്തിലെ എല്ലാ ഘടത്തിലും ഉൾപ്പെടുത്തിയുമാണ് ആദ്യകാലം മുതൽക്കേ Startup Village പുരോഗമിച്ചിരുന്നത്. ഭൌതികമായ സൌകര്യങ്ങൾ ഒരുക്കുന്നതിലും മാസംതോറും നടന്നുവന്നുകൊണ്ടിരുന്ന Community Gathering കളിലും ആ പരിശ്രമത്തിന്റെ ഫലങ്ങൾ വ്യക്തമായി കാണാം. മറ്റു Incubator കൾ, ക്യുബിക്കിൽ മാതൃകയിലുള്ള ഓഫീസ് സൌകര്യങ്ങൾ നൽകിയിരുന്ന കാലത്ത്, Silicon Valley മാതൃകയിൽ Open Office സൗകര്യം ഒരുക്കുന്ന ഇന്ത്യയിലെ ആദ്യത്തെ incubator ആയി മാറി Startup Village മറ്റുള്ളവർക്ക് വഴികാട്ടിയായി. എല്ലാവർക്കും ഏതു നേരവും സൌകര്യങ്ങൾ പ്രയോജനപ്പെടുത്താനുള്ള അവസരം ഉണ്ടായിരിക്കുകയും ചെയ്യണം എന്ന തത്ത്വത്തിൽ ഉറച്ചു വിസ്വസിച്ചിരുന്നതിനാൽ 24 മണിക്കൂറും തുറന്നു പ്രവർത്തിക്കുന്ന ഇന്ത്യയിലെ ആദ്യത്തെ Incubator മായി Startup Village.

സംരഭാകത്വ സംസ്കാരത്തിനു വിത്ത് പാകാൻ Innovation Zone കൾ

ഈ പംക്തിയിൽ പരാമർശിച്ചിട്ടുള്ള തത്ത്വങ്ങൾ പ്രയോജനപ്പെടുത്തി ആർക്കുംതന്നെ അവരവരുടെ സ്ഥാപനങ്ങളിൽ സംരംഭകത്വസംസ്കാരം വളർത്താൻ പ്രയോജികമായി കഴിയുന്നതാണ്. ആദ്യം ചെയ്യേണ്ടത് ഇതിനായി ഒരു ഇടം പരിപൂർണമായി നീക്കിവക്കുക എന്നതാണ്. ഇതിനെ നമുക്ക് Open Innovation Zone എന്ന് വിളിക്കാം. Startup Village ൽ 25% സ്ഥലം ഇത്തരത്തിൽ മാറ്റിവച്ചിരുന്നു. Silicon Valley യിൽ അങ്ങിങ്ങ് കണ്ടുവരുന്ന hackersapce കളും coworking space കളും ആയിരുന്നു ഇതിന്റെ പ്രചോദനം.

Incubator കൾ അവരുടെ 20% സ്ഥലം എങ്കിലും ഇത്തരത്തിൽ നീക്കിവെക്കുന്നത് ഉചിതം എന്നതാണ് എന്റെ നിർദ്ദേശം. കോളേജുകൾ ആണെങ്ങിൽ ഒരു മുറിയെങ്ങിലും. സ്ഥാപനങ്ങിൽ ആയിരമോ രണ്ടായിരമോ ചതുരശ്രഅടി വരുന്ന ഇടം മതിയാകും. വലിയ കെട്ടിടങ്ങൾ ഇല്ലാത്തതോ വലിയ തുകകൾ ബജറ്റ് ആയി ഇല്ലാത്തതോ തുടക്കത്തിൽ പരിമിതി ആകേണ്ട കാര്യമില്ല. തുറന്ന സ്ഥലത്തിൽ നല്ല ഇന്റെർനെറ്റും ബീൻ ബാഗുകളും മാത്രമായാലും അത് നമ്മുടെ ആവശ്യത്തിനു പര്യാപ്തമായി. പദ്ധതികൾ എല്ലാം ആസൂത്രണം ചെയ്യുന്പോൾ പരമാവധി പരസ്പരവ്യവഹാരം അതുമൂലം ഉണ്ടാവുന്നു എന്ന രീതിയിൽ രൂപകൽപന ചെയ്യുക

ഏതു നേരവും മുൻ‌കൂർ അനുവാദമൊന്നും എടുക്കേണ്ടാതില്ലാതെ കടന്നു വരാവുന്നതും ആരെയും ഊഷ്മളയതോടെ വരവേൽക്കുകയും ചെയ്യുന്ന ഒരു അന്തരീക്ഷം അവിടെ സൃഷ്ടിക്കാൻ സാധിക്കണം. എന്തിനും ഏതിനും അനുമതി ചോദിക്കേണ്ടി വരുന്ന സ്ഥിതിഗതിക്ക് സര്‍ഗ്ഗശക്തിയെ അമർത്തുന്നതിനുള്ള കഴിവിനോളം വരില്ല മറ്റൊന്നും തന്നെയും. CET യിൽ പഠിക്കുന്ന വിദ്യാർഥികൾ ഒഴിവുവേളകൾ കിട്ടുന്പോൾ സന്ദര്സിക്കുന്ന സ്ഥലങ്ങളായിരുന്നു അവിടുത്തെ acasia കാടുകളും സല്ലാപ് എന്ന ചായക്കടയും. അത്തരത്തിൽ പോകനാഗ്രഹം ഉളവാക്കുന്ന സ്ഥലമാവാൻ സാധിക്കണം എന്നതാവണം ലക്ഷ്യം. നമ്മുടെ വിദ്യാർത്ഥികൾക്കും യുവസംരഭകർക്കും അത്തരത്തിലുള്ള ഒരു സല്ലപസകേതം ആവുകയായിരുന്നു Startup Village.

Tinkerhub എന്ന പരീക്ഷണം

കോളേജിൽ ഒരു coworking space. ഈ ആശയത്താൽ Cochin University യിൽ, അധിക്രതരുടെ സഹായസഹകരണങ്ങളോടെ അവിടുത്തെ ഏതാനും വിദ്യാർത്ഥികളുടെ നേതൃത്വത്തിൽ കഴിഞ്ഞ ഒരു വർഷമായി പ്രവർത്തിച്ചു വരുന്ന, അയ്യായിരത്തോളം ചതുരശ്രഅടി വരുന്ന Tinkerhub എന്ന പേരുള്ള പരീക്ഷണാർഥത്തിൽ നടപ്പാക്കിയ coworking space പദ്ധതി മികവുറ്റ രീതിയിൽ പുരോഗമിക്കുന്നു എന്നത് വളരെ അധികം പ്രതീക്ഷക്കു വക നല്കുന്നു. മാത്രവുമല്ല, Startup Village നോട് അനുബന്ധിച്ച് പ്രത്യക്ഷമായ തരത്തിലുള്ള ഒരു സംരഭകത്വ സംസ്കാരം നമ്മുടെ കോളേജ് campus കളിലേക്ക് വ്യാപിപ്പിക്കാൻ കഴിയും എന്നെ വിശ്വാസത്തിനു കൂടുതൽ ഉറപ്പും നല്കുന്നു.

കേരളം ആശയങ്ങളുടെ കലവറയാക്കാം

ആശയങ്ങൾ ജനിക്കുന്നത് മനുഷ്യമനസ്സുകളിലാണ്. നമ്മുടെ എല്ലാ വിദ്യാഭ്യാസ സ്ഥാപനങ്ങളിലും മറ്റു പൊതുസ്ഥാപനങ്ങളിലും hackerspace അല്ലെങ്കിൽ coworking space മാതൃകയിലുള്ള Innovation Zone കൾ സജ്ജമാകട്ടെ എന്നും, അവയെല്ലാംതന്നെ Building 20 യിൽ കാണപ്പെട്ട പ്രതിഭാസത്തിനു സമാനമായ ഉള്ള ആശയ ഉറവിടങ്ങൾ ആയിത്തീരട്ടെ എന്നും ഞാൻ ആശംസിക്കുക്കയും പ്രത്യാശിക്കുകയും ചെയ്യുന്നു. ആശയങ്ങളുടെ ജനനത്തിനും വളർച്ചക്കും ഉതകുന്ന ആവാസവ്യവസ്ഥ നമ്മുടെ കൊച്ചു കേരളത്തിലുടനീളം സംജാതമാക്കുക എന്നതാകട്ടെ നാമോരോരുത്തരുടെയും ഉത്തരവാദിത്തം.

സ്റ്റാർട്ടപ്പ് വില്ലേജുകൾ എല്ലാ കോളേജുകളിലും



സ്റ്റാർട്ടപ്പ് വില്ലേജ് തുടങ്ങിയപ്പോൾ ഭൗതികമായി ആകെയുണ്ടായിരുന്നത് അല്പം സ്ഥലവും ഇന്റർനെറ്റും മാത്രമാണ്. ആഗ്രഹം 1GBPS ഇന്റർനെറ്റും ലോകോത്തര നിലവാരമുള്ള campus ഉം ആയിരുന്നെങ്കിലും, ഞങ്ങൾ പ്രവർത്തനം ആരംഭിച്ചത് 10 MBPS ഇന്റർനെറ്റിലും ഒരു വാട്ടർ റ്റാങ്ക് കെട്ടിടത്തിലുമാണ്. പരിമിതമായ സൗകര്യങ്ങൾ ആയിരുന്നെങ്കിലും നിരന്തര പരിശ്രമങ്ങളുടെയും ആസൂത്രണം ചെയ്ത പദ്ധതികളുടെയും ഫലമായി ഈ ഭൗതിക സമുച്ചയത്തിനെ ചുറ്റിപറ്റി ഒരു സംരംഭകത്വ സംസ്കാരം വളർത്തിയെടുക്കാൻ ഞങ്ങൾക്ക് സാധിച്ചു. അങ്ങനെ അത് നമ്മൾ ഇന്നറിയപ്പെടുന്ന സ്റ്റാർട്ടപ്പ് വില്ലേജ് ആയി പരിണമിക്കുകയും ചെയ്തു.


നമ്മുടെ ഒട്ടുമിക്ക കോളേജ് campus കളിലും ഇതിനേക്കാൾ പതിന്മടങ്ങു മെച്ചപ്പെട്ട സ്‌ഥലസൗകര്യങ്ങളും ഇന്റർനെറ്റ് സൗകര്യങ്ങളുമുണ്ട്. അതിലുമുപരി നൂതന ആശയങ്ങളുമായി ഞങ്ങളെ സമീപിച്ചെത്തിയ വിദ്യാർത്ഥികൾ അവരുടെ ഭൂരിഭാഗം സമയം ചെലവഴിക്കുന്നത് അവരവരുടെ campus കളിൽ തന്നെയും എന്നതും ഓർക്കണം. അപ്പോൾ ഒരു സ്റ്റാർട്ടപ്പ് വില്ലേജ് ഉണ്ടാക്കുന്നതിനു വേണ്ട എല്ലാ ചേരുവകളും നമ്മുടെ കോളേജ് campus കളിൽ തന്നെയുണ്ട് എന്ന് ചുരുക്കം.

അങ്ങനെ വരുന്പോൾ നമ്മൾ ആകെ ചെയ്യേണ്ടത് നമ്മുടെ campus കളിൽ സ്റ്റാർട്ടപ്പ് culture വളർത്തിയെടുക്കുക എന്നത് മാത്രമാണ്. ശ്രദ്ധാപൂർവം ആസൂത്രണം ചെയ്ത ഇടപെടലുകളും പദ്ധതികളും വഴി ചുരുങ്ങിയ കാലയളവിൽ തന്നെ ഇത് സാധ്യമാവുന്നതാണ് എന്നാണ് സ്റ്റാർട്ടപ്പ് വില്ലേജ് അനുഭവം കാണിച്ചു തരുന്നത്. ഇതിനായി നമുക്ക് പ്രയോജനപ്പെടുത്താവുന്ന പദ്ധതികളിൽ ഒന്നാണ് സംസ്‌ഥാന സർക്കാരിന്റെ Startup Bootcamp പദ്ധതി.

Startup Bootcamp (IEDC) പദ്ധതി

സംരംഭകത്വ സംസ്കാരം നമ്മുടെ വിദ്യാർഥി സമൂഹത്തിലേക്ക് വ്യാപിപ്പിക്കുന്നതിനായി രൂപപ്പെടുത്തിയതാണ് സ്റ്റാർട്ടപ്പ് Bootcamp പദ്ധതി. കേരളാ സ്റ്റാർട്ടപ്പ് മിഷനാണ് ഈ പദ്ധതിയുടെ നടത്തിപ്പ് ചുമതല. സ്റ്റാർട്ടപ്പ് വില്ലേജിന്റെ പ്രവർത്തനിലൂടെ നേടിയ അനുഭവജ്ഞാനങ്ങൾ എല്ലാം തന്നെ ഉൾക്കൊണ്ടുമാണ് ഈ പദ്ധതി പാകപ്പെടുത്തിയിരിക്കുന്നതും.

സ്റ്റാർട്ടപ്പ് Bootcamp പദ്ധതിയിൽ അംഗമാവുന്ന കോളേജുകൾക്ക് മാർഗനിർദ്ദേശവും പ്രവർത്തന ചിലവുകൾക്കായി രണ്ടു ലക്ഷം രൂപ സഹായധനവും ലഭിക്കുന്നു. ഇന്ന് രണ്ടു വർഷം പൂർത്തിയാകുന്പോൾ 157 കോളേജുകൾ ഈ പദ്ധതിയിൽ അംഗങ്ങളാണ്. താഴെ നിർദ്ദേശിച്ചിരിക്കുന്നവയാണ് സ്റ്റാർട്ടപ്പ് Bootcamp പദ്ധതിയുടെ ആനുകൂല്യങ്ങൾ ലഭിക്കുന്നതിനുള്ള മാനദണ്ഡങ്ങൾ.

  • പ്രവർത്തനങ്ങൾക്കായി ഇന്റർനെറ്റ് സൗകര്യങ്ങളോടു കൂടിയ ഒരു സ്‌ഥലം നീക്കിവക്കുക
  • അഞ്ചു വിദ്യാർഥികൾ അടങ്ങുന്ന executive കൌൺസിൽ രൂപീകരിക്കുക
  • പണമിടപാടുകൾക്കായി ഒരു വേറിട്ട ബാങ്ക് അക്കൗണ്ട് ഉണ്ടായിരിക്കുക
  • നോഡൽ ഓഫീസർ ആയി ഒരു അദ്ധ്യാപകനെ നിർദ്ദേശിക്കുക

Executive കൌൺസിലിലെ അഞ്ചു വിദ്യാർത്ഥി പ്രതിനിധികൾ CEO, COO, CTO, CMO, CCO എന്നീ സ്‌ഥാനങ്ങൾ വഹിക്കും. ഇതിൽ ചുരുങ്ങിയപക്ഷം ഒരു ഭാരവാഹി എങ്കിലും ഒരു വിദ്യാർത്ഥിനി ആയിരിക്കണം എന്നും നിഷ്കർഷിക്കുന്നു. പ്രവർത്തനങ്ങളും ധനവിനിയോഗവും തീരുമാനിക്കുന്നതിനുള്ള സ്വാതന്ത്ര്യവും ഉത്തരവാദിത്തവും executive കൌൺസിലിനാണ്. പ്രവർത്തന റിപ്പോർട്ടും, പണവിനിയോഗം സാക്ഷ്യപ്പെടുത്തുന്ന utilisation സർട്ടിഫിക്കറ്റുമാണ് സ്റ്റാർട്ടപ്പ് മിഷന് നൽകേണ്ടത്. പ്രവർത്തനങ്ങളെ സാക്ഷ്യപ്പെടുത്തുന്നതിനും, സ്റ്റാർട്ടപ്പ് മിഷനെയും കോളേജിനെയും ബന്ധിപ്പിക്കുന്ന ഔദ്യോഗിക വ്യക്തിയായി പ്രവർത്തിക്കുന്നതിനുമാണ് നോഡൽ ഓഫീസർ.

Bootcamp കളിൽ നിന്ന് Startup വില്ലേജുകളിലേക്ക്

നമ്മുടെ കോളേജുകളിലെ സംരംഭകത്വ വികസന ക്ലബുകൾക്ക് (EDC), IEDC കളായും TBI കളായും ഉയരുവാൻ സാധിക്കുക എന്നതായിരിക്കണം ഈ startup bootcamp പദ്ധതി വഴി നമ്മൾ ലക്ഷ്യമിടുന്ന അനന്തരഫലം. കേന്ദ്ര ശാസ്ത്രസാങ്കേതിക മന്ത്രാലയത്തിന്റെ (Ministry of science and technology) കീഴിൽ IEDC,TBI എന്ന പേരുകളിലുള്ള പദ്ധതികളുടെ അടിസ്ഥാനത്തിലാണ് ഈ അംഗീകാരങ്ങൾ ലഭിക്കുന്നത്. ഈ പദ്ധതികളിലേക്കു അപേക്ഷിച്ചു അംഗീകാരം ലഭിക്കാൻ പര്യാപ്തമായിരിക്കണം നമ്മുടെ EDC കൾ എന്നതാവണം ഉന്നം.

IEDC പദ്ധതിയുടെ ഭാഗമായി 3 കോടി രൂപ വരെയും, TBI പദ്ധതിയുടെ ഭാഗമായി 10 കോടി രൂപ വരെയും ധനസഹായം ലഭിക്കുന്നു. IEDC പദ്ധതിയുടെ 3 കോടിയിൽ, 75 ലക്ഷം നടത്തിപ്പ് ചിലവുകൾക്കും ബാക്കി പ്രൊജക്റ്റ് ഗ്രാന്റുകൾക്കുമാണ്. രണ്ടരലക്ഷം രൂപ വരെ ഒരു പ്രോജക്ടിന് ഗ്രാന്റ് ആയി നൽകാം. അത്തരത്തിൽ 85 പ്രൊജെക്ടുകൾക്കു വരെ സഹായം നൽകാവുന്നതാണ്. അംഗീകാരമുള്ള TBI കൾക്ക് അവരുടെ startup കളിൽ നിക്ഷേപിക്കുവാൻ പത്തുകോടി രൂപ വരെ grant ആയി നൽകുന്ന seed fund പദ്ധതിയും നിലവിലുണ്ട്. പദ്ധതികളെക്കുറിച്ചുള്ള വിശദവിവരങ്ങളും അപേക്ഷിക്കേണ്ട വിധവും കേന്ദ്ര ശാസ്ത്ര സാങ്കേതിക വകുപ്പിന്റെ (Department of science and technology) വെബ്‌സൈറ്റിൽ ലഭ്യമാണ്.

Bootcamp പദ്ധതിയുടെ ഭാഗമായിട്ടുള്ള എല്ലാ കോളേജുകളും തന്നെ EDC പ്രവർത്തനങ്ങളും സംസ്ഥാന സർക്കാരുമായുള്ള പങ്കാളിത്തവും അണിനിരത്തി മേൽപ്പറഞ്ഞ കേന്ദ്ര സർക്കാർ പദ്ധതികളിലേക്കു അപേക്ഷകൾ സമർപ്പിക്കുകയാണ് അടുത്ത പടിയായി ചെയ്യേണ്ടത്. രണ്ടു കോളേജുകൾ ഇതിനകം TBI പദ്ധതിയിൽ അംഗീകാരം നേടിക്കഴിഞ്ഞു — തിരുവനന്തപുരം കോളേജ് ഓഫ് എഞ്ചിനീറിങ്ങും, കാഞ്ഞിരപ്പള്ളി അമൽ ജ്യോതി കോളേജും. IEDC പദ്ധതിയിലും TBI പദ്ധതിയിലും അംഗീകാരം നേടിയ സംസ്ഥാനത്തെ ഏക കോളേജാണ് അമൽ ജ്യോതി. CUSAT ആണ് IEDC അംഗീകാരം നേടിയ മറ്റൊരു കോളേജ്. TBI അംഗീകാരത്തിനുള്ള അപേക്ഷ CUSAT സമർപ്പിക്കുകയും ചെയ്തു കഴിഞ്ഞു.

ഇന്ത്യയിൽ ഇന്ന് നിലവിലുള്ള എഴുപതോളം TBI കളിൽ ഏഴെണ്ണം സ്ഥിതി ചെയ്യുന്നത് കേരളത്തിലാണ്. CUSAT സർവകലാശാലയുടെ അപേക്ഷ കൂടെ അംഗീകരിക്കുകപ്പെടുകയാണെങ്കിൽ ഈ സംഖ്യ എട്ടായി വർദ്ധിക്കും. പ്രശംസനീയ നേട്ടമാണ് നമ്മുടെ കൊച്ചു കേരളം ഈ മേഖലയിൽ കൈവരിച്ചിരിക്കുന്നത്. നമ്മുടെ കൂട്ടായ പരിശ്രമങ്ങളിലൂടെ വരും കാലങ്ങളിൽ ഈ സംഖ്യ ഇനിയും വളരട്ടെയെന്നും നമ്മുടെ കോളേജ് campus കൾ അവരുടേതായ സ്റ്റാർട്ടപ്പ് വില്ലേജുകൾക്കു ജൻമം നൽകട്ടെ എന്നും നമ്മുക്ക് ആശംസിക്കാം.

IEDC Summit 2016

August 23 ന്, തിരുവന്തപുരം ഗിരിദീപം കൺവെൻഷൻ സെന്ററിൽ സ്റ്റാർട്ടപ്പ് മിഷന്റെ നേതൃത്വത്തിൽ ഒരു IEDC summit സംഘടിപ്പിക്കാൻ തിരുമാനിച്ചിരിക്കുന്നു. ബഹുമാനപ്പെട്ട മുഖ്യമന്ത്രി ശ്രീ പിണറായി വിജയൻ മുഖ്യാഥിതിയായുള്ള ഈ കോൺഫറൻസിൽ Bootcamp പദ്ധതിയിൽ അംഗങ്ങളായുള്ള 157 കോളേജുകളിലെ EDC ഭാരവാഹികളും മറ്റു വിദ്യാർത്ഥികളും ഉൾപ്പടെ ആയിരത്തിൽപരം പേർ പങ്കെടുക്കും. ഇതിൽ പങ്കെടുക്കുന്നത് വഴി വിവിധ EDC കളിൽ പ്രവർത്തിക്കുന്നവരെ കാണുവാനും അവരുടെ പ്രവർത്തനാനുഭവങ്ങളിൽ നിന്ന് നേരിട്ട് പഠിക്കുവാനും സാധിക്കും. ഉദാഹരണത്തിന് അമൽ ജ്യോതി EDC യുടെ നോഡൽ ഓഫീസറായ പ്രൊഫസർ ഷെറിൻ, EDC ൽ നിന്നും IEDC യിലേക്കും അതിൽ നിന്നും TBI യിലേക്കുമുള്ള അവരുടെ സ്തുത്യർഹമായ യാത്രയിലൂടെ നേടിയ പരിജ്ഞാനം പരിപാടിയുടെ ഭാഗമായി സദസ്സുമായി പങ്കുവെക്കും. കോൺഫറൻസിൽ പങ്കെടുക്കാൻ താല്പര്യമുള്ളവർ സ്റ്റാർട്ടപ്പ് മിഷൻ വെബ്‌സൈറ്റ് വഴി രജിസ്റ്റർ ചെയ്യാവുന്നതാണ്. http://iedcsummit2016.startupmission.in/

Links


#ENT101: Startup Course @ XIME


I just completed offering my first ever course yesterday. I was invited as a guest faculty for the entrepreneurship course in this trimester. It was a good experience overall. Will look to capture the content & what all I attempted during the course through the blog series titled #ENT101.


Pic credits: Muhammed Shibin

To start with, sharing the decks I had made use of to facilitate the sessions

  1. Deck 1: Course overview
  2. Deck 2: Defining entrepreneurship & startups
  3. Deck 3: Understanding startups as an asset class
  4. Deck 4: Fundraising process
  5. Deck 5: Startup fundraising
  6. Deck 6: Framework for coming up with ideas
  7. Deck 7: Economics of ideas
  8. Deck 8: MVP’s & Lean startup methodology
  9. Deck 9: Business model
  10. Deck 10: Course wrap up

Also sharing the link to my thinking deck, which contains a collection of thoughts I captured for purposes of covering in the course. Note: Not all topics in the topic have made it to the course decks

Each student has also been asked to come up with a blog post capturing one key learning from the course as part of their coursework itself. To see how the articles look like, you can take a look at the one penned by Amarnath (It also happens to be his first ever blog post). Once all have published their articles, will look to collate all into a publication as well on Medium.

#Books: To Read


https://www.amazon.com/Unsubscribe-Email-Anxiety-Avoid-Distractions/dp/1610397290

Have / had with me and not started / completed

Zero to maker David Lang
Trust me, I’m lying Ryan Holiday
Growth hacker marketing Ryan Holiday
The lean startup Eric Ries
Startup nation Dan Senor, Saul Singer
The startup ownwer’s manual Steve Blank
The four steps to epiphany Steve Blank
Thinking, Fast and Slow Daniel Kahneman
The art of thinking clearly Rolf Dobelli
The communist manifesto Karl Marx, Friedrich Engels
The fountainhead Ayn Rand
Fifty shades of grey E L James
The selfish gene Richard Dawkins
The reputation economy Michael Fertik, David C Thompson
Emotional intelligence Daniel Goleman
What you’re really meant to do Robert Kaplan
Now, discover your strengths Marcus Buckingham, Donald O Clifton
Black swan Nassim Nicholas Taleb
Fooled by randomness Nassim Nicholas Taleb
I, the citizen R Balasubramaniam
Bold Peter H Daimandis, Steven Kotler
Mastery Robert Greene
Paid to think David Goldsmith
The new geography of jobs Enrico Moretti
The happiness of pursuit Chris Guillebeau
The talent delusion Tomas Chamorro-Premuzic

Permission Marketing Seth Godin

#Books

Books have been among my biggest mentors all along. There was a phase in which I didn’t know to articulate it that way — until I came across a post of Derek Sivers in which he also mentions that his mentors were also books

Reading Now

To Read

Read

#Books: Read

1 The 4 hour work week Timothy Ferriss .
2 The zero margical cost society Jeremy Rifkin .
3 Rethinking money Bernard Lietaer, Jacqui Dunne .
4 Sapiens Yuval Noah Harari .
5 Poor economics Abhijt V Banerjee, Esther Duflo .
6 What got you here wont get you there Marshall Goldsmith .
7 The modern monk Hindol Sengupta .
8 The $100 startup Chris Guillebeau .
9 The happiness hypothesis Jonathan Haidt .
10 The happiness project Gretchen Rubin .
11 Steal like an artist Austin Kleon .
12 The first 90 days Michael Watkins .
13 Shop class as soulcraft Matthew B Crawford .
14 Makers Chris Anderson .
15 Free Chris Anderson .
16 The long tail Chris Anderson
17 Tribes Seth Godin
18 The icarus deception Seth Godin
19 Linchpin Seth Godin
20 The dip Seth Godin
21 Give and take Adam Grant
22 Small is beautiful Ernst Friedrich Schumacher
23 On writing well Willian Zenser
24 Capital conquest Saba Naqvi
25 Modi’s world: Expanding India’s sphere of influence C Raja Mohan
26 The Modi effect Lance Prince
27 Triggers Marshall Goldsmith, Mark Reiter
28 Abundance Peter Diamandis, Steven Kotler
29 The art of learning Josh Waitzkin
30 Program or be programmed Douglas Rushkoff
31 Open source democracy Douglas Rushkoff
32 Platform scale Sangeet Paul Choudary
33 Zero to one Peter Thiel, Blake Masters
34 How Google works Eric Schmidt, Jonathan Rosenberg
35 Managing with power Jeffrey Pfeffer
36 The hard thing about hard things Ben Horowitz
37 Startup communities Brad Feld
38 Business model generation Alexander Osterwalder, Yves Pigneur
39 Getting to Plan B John Walker Mullins, Randy Komisar
40 Clinton cash Peter Schweizer
41 Wikileaks David Leigh, Luke Harding, The Guardian
42 You can sell Shiv Khera
43 Social psychology Stainton Rogers, Wendy
44 Evolutionary psychology Lance Workman, Will Reader
45 Future shock Alvin Toffler
46 Powershift Alvin Toffler
47 Third wave Alvin Toffler
48 The pelican brief John Grisham
49 The runaway jury John Grisham
50 The rainmaker John Grisham
51 Rich dad, poor dad Robert Kiyosaki, Sharon Lechter
52 The art of the start Guy Kawasaki
53 Enchantment Guy Kawasaki
54 What’s mine is yours Rachel Botsman, Roo Rogers
55 I’m feeling lucky Douglas Edwards
56 The year without pants Scott Berkun
57 Make your mark Jocelyn K Glei
58 Manage your day to day Jocelyn K Glei
59 The Google story David A Vise
60 Diary of a wimpy kid Jeff Kinney
61 Calvin and Hobbes Bill Watterson
62 The Da Vinci code Dan Brown
63 Personal productivity secrets Maura Nevel Thomas
64 What I wish I knew when I was 20 Tina Seeling
65 Autopilot Andrew Smart
66 The ONE thing Gary Keller, Jay Papasan
67 Creative confidence David Kelly, Tom Kelley
68 The world is flat Thomas L Friedman
69 Rework Jason Fried, David Heinemeier Hansson
70 The last lecture Randy Pausch
71 Tursdays with Morrie Mitch Albom
72 Leadership on the line Ronald A Heifetz, Mary Linksy
73 Rules for Radicals Saul Alinsky
74 Five point someone: What not to do at IIT Chetan Bhagat
75 One night at the call centre Chetan Bhagat
76 The 3 mistakes of my life Chetan Bhagat
77 Wikinomics Anthony D Williams, Don Tapscott
78 Cognitive surplus Clay Shirkey
79 Flip! Peter Sheahan
80 The road less travelled M Scott Peck
81 The launchpad Randall Stross
82 Do more faster Brad Feld, David Cohen
83 Focus Daniel Goleman
84 The power of habit Dharles Duhigg
85 Blue ocean strategy W Chan Kim, Renee Mauborgne
86 Anything you want Derek Sivers
87 The power of focus Jack Canfield, Mark Victor Hansen, Les Hewitt
88 Quiet, Susan Cain
89 The startup of you Reid Hoffman, Ben Casnocha
90 Steve, Jobs Walter Issacson
91 The innovators, Walter Issacson
92 Tintin, Michel Daubert
93 Asterix and Obelix Goscinny, Uderzo
94 Brushing up the years R K Laxman
95 Bobanam Moliyum Toms
96 Hackers by Steven Levy
97 Getting things done by David Allen
98 Good to great Jim Collins

99 Peers Inc Robin Chase